वडगाव रासाई च्या कुटूंबावर काळाचा आघात ! माय-लेकाचा अपघातात दुर्दैवी अंत…!

शिरुर : सातारा जिल्ह्यातील खंडाळा तालुक्यात देवदर्शनासाठी गेलेल्या शिरुर तालुक्यातील वडगाव रासाई गावातील भाविकांचे वाहन ट्रकवर आदळून झालेल्या अपघातात दोघांचा मृत्यू तर पाच जण गंभीर जखमी झाल्याची अत्यंत दुर्दैवी घटना घडली आहे.

देवदर्शनासाठी गेलेल्या वाहनातील कांचन चंद्रकांत वनशिवे (वय ३०, वडगाव रासाई, ता. शिरुर), विरेंद्र चंद्रकांत वनशिवे (वय १०) हे दोघे जागीच ठार झाले तर कारमधील संकेत भिमाजी चौधरी (वय २२, रा. वडगाव रासाई, ता. शिरुर), स्नेहल पांडुरंग कुलथे (वय ४३, रा. वडगांव रासाई), अनिल मुक्ताराम कुलथे (वय ५५, रा. वडगांव रासाई),अंजली अनिल कुलथे (वय ५०, रा. वडगांव रासाई ), परी अनिल कुलथे (वय ७) हे पाच जण गंभीर जखमी झाले आहे.

या घटनेने वडगांव रासाई गावावर शोककळा पसरली आहे.