Uruli Kanchan News : महिलेचा विनयभंग करत, घरातील व्यक्तींना दगडाने मारहाण, उरुळी कांचन पोलीस ठाण्यात ५ जणांवर गुन्हा दाखल..
Uruli Kanchan News : महिलेच्या घरात जबरदस्तीने घुसून विनयभंग व घरातील व्यक्तींना मारहाण केल्याप्रकरणी ५ जणांविरुद्ध विविध कलमांतर्गत उरुळी कांचन पोलीस ठाण्यात गुन्हा दाखल करण्यात आला आहे. ही घटना प्रयागधाम परिसरात मंगळवारी (ता. ३०) रात्री साडेसात वाजण्याच्या सुमारास घडली आहे.
नन्या मांजरे (वय. ४०), ओंकार मांजरे, अजय पवार, सुरज जाधव, अनष मांजरे (रा. सर्वजण जय मल्हार रोड, उरुळी कांचन, ता. हवेली) अशी गुन्हा दाखल करण्यात आलेल्या ५ जणांची नावे आहेत. या प्रकरणी एका २२ वर्षीय महिलेने उरुळी कांचन पोलीस ठाण्यात फिर्याद दिली आहे.
मिळालेल्या माहिती नुसार, मंगळवारी (ता. ३०) नन्या मांजरे संध्याकाळी साडेसात वाजण्याच्या सुमारास महिला राहत असलेल्या ठिकाणी रिक्षा घेऊन गेला होता. त्याच्याजवळ असलेली रिक्षा त्याने घराजवळ लावून फिर्यादी यांच्या घरात शिरला. यावेळी त्याने महिलेला लज्जा उत्पन्न होईल, असे असभ्य वर्तन केले. Uruli Kanchan News
त्यानंतर, घरातून बाहेत येऊन त्याने त्याचे मित्र ओंकार मांजरे, अजय पवार, सुरज जाधव, अनष मांजरे यांना फोन करून बोलावून घेतले. व त्यांनी घरातील व्यक्तींना व घरी आलेले ओळखीचे लोकांना दगड फेकून जखमी केले.
दरम्यान, या प्रकरणी २२ वर्षीय महिलेने दिलेल्या तक्रारीनुसार ५ जणांवर उरुळी कांचन पोलीस ठाण्यात गुन्हा दाखल करण्यात आला आहे. या घटनेचा पुढील तपास उपविभागीय पोलीस अधिकारी स्वप्नील जाधव हे करीत आहेत.
