Uruli Kanchan : उरुळी कांचन जवळील शिंदवणे गावात मोठा राडा! दोन गटात जोरदार हाणामारी, नेमकं घडलं काय?

Uruli Kanchan : दोन गटात तुंबळ हाणामारी झाल्याची घटना समोर आली आहे. ही घटना शिंदवणे (ता. हवेली) ग्रामपंचायत हद्दीतील शितोळे मळा परिसरात घडली आहे. या घटनेने एकच खळबळ उडाली आहे. याबाबत पोलीस तपास करत आहेत.

या घटनेनंतर पोलिसांनी काहींना ताब्यात घेतले असून त्यांच्याकडून चौकशी केली जात असल्याची माहिती देखील समोर येत आहे.
दुपारी सव्वा तीन ते साडे तीन वाजण्याच्या सुमारास ही घटना घडली आहे. याबाबत अजून कोणतेही कारण समोर आलेले नाही.

२० ते २५ जणांमध्ये ही हाणामारी झाली असल्याची माहिती समोर आली आहे. जखमींना उरुळी कांचन येथील खाजगी रुग्णालयात दाखल करण्यात आले आहे. या घटनेमुळे परिसरात भीतीचे वातावरण निर्माण झाले आहे.

याबाबत माहिती मिळताच पोलीस याठिकाणी दाखल झाले, स्थानिक प्रत्यक्षदर्शी लोकांनी याबाबत माहिती दिली आहे. पोलीस त्याआधारे तपास करत आहेत.