Uruli Kanchan : नववीतील शाळकरी विद्यार्थिनीचा पाठलाग करून विनयभंग करणाऱ्या आरोपीवर गुन्हा दाखल, आरोपीकडून व्हिडिओ देखील व्हायरल, उरुळी कांचन येथील घटना…
Uruli Kanchan उरुळी कांचन : महिला अत्याचाराच्या घटनांमध्ये अलीकडे वाढ होताना दिसत आहेत. बलात्कार, विनयभंग, छेडछाड अशा दिवसाला एक ते दोन घटना दररोज घडत आहेत. सध्या अशीच एक धक्कादायक घटना समोर आली आहे.
नववीत शिक्षण घेत असलेल्या शाळकरी विद्यार्थिनीचा पाठलाग करून तिचा विनयभंग केल्याची घटना उघडकीस आली असून याप्रकणी आरोपीवर उरुळी कांचन (ता. हवेली) पोलीस ठाण्यात बुधवारी (ता.१४) संध्याकाळी सव्वा सात वाजण्याच्या सुमारास गुन्हा दाखल करण्यात आला आहे.
दिनेश दिलीप बडेकर (वय.१९ रा.तुपे वस्ती श्री रेसीडंसी फ्लॅट नंबर ३०२ उरूळीकांचन ता. हवेली जि. पुणे) असे गुन्हा दाखल झालेल्या आरोपीचे नाव आहे. याप्रकरणी १५ वर्षीय पिडीत मुलीच्या आईने उरुळी कांचन पोलीस ठाण्यात फिर्याद दिली आहे.
मिळालेल्या माहिती नुसार, पिडीत मुलगी ही उरुळी कांचन येथील एका शाळेत नववीच्या वर्गात शिक्षण घेत आहे. पिडीत मुलगी महात्मा गांधी विद्यालयाच्या रस्त्यावरून जात असताना आरोपीने तिचा पाठलाग केला. तसेच तिच्या मनास लज्जा उत्पन्न होईल असे कृत्य केले आहे. Uruli Kanchan
तसेच आरोपीने पिडीत मुलीचा एक व्हिडीओ सोशल मिडीयावर व्हायरल केला आहे. तसेच आरोपीने तिचा घरापर्यंत पाठलाग करून विनयभंग केला, अशी फिर्याद पिडीत मुलीच्या आईने उरुळी कांचन पोलीस ठाण्यात दिली आहे.
दरम्यान, त्यानुसार आरोपी दिनेश बडेकर यांच्यावर उरुळी कांचन पोलीस ठाण्यात विनयभंगासह बालकांचे लैंगिक अपराधापासून संरक्षण अधिनियमच्या कलमानुसार गुन्हा दाखल करण्यात आला आहे. या घटनेचा पुढील तपास उरुळी कांचन पोलीस ठाण्याचे पोलीस निरीक्षक शंकर पाटील यांच्या मार्गदर्शनाखाली पोलीस उपनिरीक्षक सुधीर पाडुळे करीत आहे.
