शाईफेकीनंतर पुण्यात घडामोडींना वेग! प्रवीण गायकवाड आणि शरद पवार यांच्यात बंद दाराआड चर्चा…
पुणे : संभाजी ब्रिगेडचे प्रदेशाध्यक्ष प्रवीण गायकवाड यांना अक्कलकोट येथे काळं फासण्यात आल्याने एकच खळबळ उडाली. प्रवीण गायकवाड हे अक्कलकोट येथे फत्तेसिंह शिक्षण संस्था आणि सकल मराठा समाजाच्या कार्यक्रमासाठी आले असताना ही घटना घडली होती. येथील शिवधर्म फाउंडेशन आणि शिवभक्तांकडून हे काळं फासण्यात आहे.
तिथे येताच काही लोक अचानकपणे त्यांच्याकडे आले आणि जमा होत त्यांनी प्रवीण गायकवाड यांना काळं फासलं. प्रवीण गायकवाड आणि ज्येष्ठ नेते शरद पवार यांची आज पुण्यात भेट झाली. दोन्ही नेत्यांमध्ये आज बंद दाराआड चर्चा झाली. शरद पवारांनी दोन ते तीन वेळा फोन केला होता.
शरद पवारांची आज पुण्यात भेट घेऊन घडलेला सगळ्या प्रकार सांगितला. मला मारण्याचा कट होता तो देखील सांगितला, अशी प्रतिक्रिया प्रवीण गायकवाड यांनी दिली. प्रवीण गायकवाड यांनी आपल्या संघटनेच्या नावामध्ये छत्रपती संभाजी महाराजांचा एकेरी उल्लेख केल्याने शिवधर्म फाउंडेशन आक्रमक होते.
त्याचबरोबर स्वामी समर्थांचा एकेरी उल्लेख करून त्यांचा अवमान केल्याचादेखील राग या संघटनेच्या पदाधिकाऱ्यांच्या मनात होता. यापूर्वी शिवधर्म फाउंडेशनने संभाजी ब्रिगेडच्या विरोधात उपोषणदेखील केले होते. इंदापूरच्या शिवधर्म फाउंडेशनचे अध्यक्ष दीपक काटे आणि त्यांच्या कार्यकर्त्यांनी ही शाईफेक केली.
