हडपसर पोलिसांकडून चोरट्याला अटक; दोन दुचाकी एक रिक्षा जप्त..
पुणे : हडपसर भागात दुचाकी चोरीचे गुन्हे वाढले असून दुचाकीसह रिक्षा चोरणार्‍याला हडपसर पोलिसांनी अटक करून त्याच्याकडून दोन दुचाकी आणि एक रिक्षा जप्त करण्यात आल्या आहे.
दिलीप शिवराज म्हेत्रे (वय २४, काळेपडळ, हडपसर) असे अटक केलेल्या चोरट्याचे नाव आहे. तसेच चोरट्याच्या अल्पवयीन साथीदाराला ताब्यात घेण्यात आले आहे.
मिळालेल्या माहितीनुसार, हडपसर पोलिसांचे पथक हद्दीत गस्त घालत होते. त्यावेळी म्हेत्रे व अल्पवयीन साथीदाराने दुचाकी चोरल्याची महिती मिळाली. त्यानूसार, पोलिसांच्या पथकाने सापळा लावून म्हेत्रे आणि त्याच्याबरोबर असलेल्या अल्पवयीन मुलाला पकडले आहे.
दरम्यान, चौकशीत त्यांनी हडपसर भागातून दोन दुचाकी आणि एक रिक्षा चोरल्याची कबुली दिली आहे. ही कारवाई वरिष्ठ पोलीस निरीक्षक संतोष पांढरे, पोलीस निरीक्षक पंडीत रेजीतवाड यांच्या मार्गदर्शनाखाली सहायक निरीक्षक अर्जुन कुदळे व त्यांच्या पकाने केली आहे.
