खेवलकरांच्या भोवतीचा फास आवळणार ; महिला आयोगाने उचललं मोठ पाऊल, कारवाई होणार?

पुणे: पुण्यातील खराडी येथे रात्री चालू असलेल्या रेव्ह पार्टीत माजी मंत्री एकनाथ खडसे यांचे जावई प्रांजल खेवलकर यांना अटक करण्यात आली होती. आता याप्रकरणी प्रांजल खेवलकर यांच्याविरोधात महिला आयोगाने मोठं पाऊल उचलत पुणे पोलीस आयुक्तांना पत्र लिहिले आहे. तसेच खेवलकरांच्या कारवाईची मागणी केली आहे.त्यामुळे आता पुढे काय होणार? असा प्रश्न उपस्थित झाला आहे.

मिळालेल्या माहितीनुसार,सानवी बहुउद्देशीय सेवाभावी संस्थेने राज्य महिला आयोगाकडे खेवलकर यांची एक तक्रार केली आहे. याच तक्रारीची दखल घेत महिला आयोगाने पुणे पोलिसांना पत्र पाठवून कारवाई करण्याचे निर्देश दिले आहेत. प्रांजल खेवलकर यांनी परप्रांतीय मुलींना बोलवल्याचा आरोप करण्यात आला आहे. तसेच प्रांजल खेवलकर यांनी 28 वेळा स्वत:च्या नावाने हॉटेल बुक केल्याचाही आरोप करण्यात आला आहे. त्यामुळे मानवी तस्करीसंदर्भात केलेल्या आरोपींची चौकशी करावी, असं महिला आयोगाने पुणे पोलिसांना म्हटले आहे.तसेच खेवलकरांवर कारवाई करण्याचे निर्देश दिले आहेत.

दरम्यान, आता या तक्रारीनंतर प्रांजल खेवलकर यांच्यातर्फे तसेच एकनाथ खडसे नेमकी काय भूमिका घेणार? याकडे सर्वांचेच लक्ष लागले आहे. महिला आयोगाच्या पत्रानंतर आता पुणे पोलीस नेमकी कोणती कारवाई करणार? हेही पाहणे महत्त्वाचे ठरणार आहे.