‘तुझं लफडं तुझ्या घरी सांगतो’ म्हणत तरुणीला ब्लॅकमेक करत वेळोवेळी शरीरसंबंध अन्…., फुरसुंगी येथील घटनेने खळबळ
लोणी काळभोर : ‘तुझं लफडं तुझ्या घरी सांगतो’ असे म्हणत १९ वर्षांच्या तरुणीला ब्लॅकमेक करुन वेळोवेळी जबरदस्तीने शरीरसंबंध ठेवत पैसे अन् सोन्याची मागणी करणाऱ्याला तरुणाला फुरसुंगी पोलिसांनी बेड्या ठोकल्या आहेत.
याप्रकरणी पिडित तरुणीने दिलेल्या फिर्यादीवरून नील भरत निंबाळकर (वय १९, रा. अष्टविनायक सोसायटी, फुरसुंगी) याला अटक केली आहे. सदर प्रकार जुलै ते ३१ डिसेंबर २०२५ या पाच महिन्यांच्या कालावधीत घडला आहे.
मिळालेल्या माहिती नुसार, एके दिवशी पिडित तरुणी रिक्षामधून प्रवास करत असताना ती दुसऱ्या एका तरुणासोबत बोलत असल्याचे नील निंबाळकरने पाहिले होते. त्यानंतर त्याने सदर तरुणीला “तुझ्या भावाला आणि बहिणीला फोन करून तू कोणासोबत फिरतेस, तुझं अफेअर आहे हे सगळ्यांना सांगतो,” असे म्हणत धमकावण्यास सुरुवात केली.
दरम्यान, घरच्यांना प्रेमसंबंधाची माहिती मिळू नये, यासाठी त्याने तरुणीला ब्लॅकमेल करत तिच्याकडे पैशांची मागणी केली. परंतु तिच्याकडे पैसे नसल्यामुळे त्याने तिच्याकडून १०१ ग्रॅम वजनाचे सोन्याचे दागिने घेतले. त्यानंतरही तो वारंवार पैशांची मागणी करत होता.
तरुणीने पैसे देण्यास नकार दिल्यानंतर त्याने तिला धमकावत तिच्याबरोबर जबरदस्तीने शारीरिक संबंध ठेवले. यामुळे पिडीत तरुणी मानसिक तणावाखाली आली. वारंवार होत असलेला तणाव तिला असह्य झाल्याने तिने फुरसुंगी पोलीस ठाण्यात तक्रार दाखल केली. पोलिसांनी तात्काळ कारवाई करत निंबाळकर याला अटक केली असून पुढील तपास पोलीस उपनिरीक्षक नलावडे करत आहेत.
