राज्यात भयंकर परिस्थिती! आता मुंबईतील १२ वर्षांच्या शाळकरी मुलीवर पाच जणांकडून बलात्कार…
मुंबई : राज्यात महिला अत्याचाराच्या घटनांमध्ये अलीकडे वाढ होताना दिसत आहेत. बलात्कार, विनयभंग, छेडछाड अशा दिवसाला एक ते दोन घटना दररोज घडत आहेत. सध्या अशीच एक धक्कादायक घटना समोर आली आहे.
मुंबईतील जोगेश्वरीत एका १२ वर्षीय शाळकरी मुलीवर सामूहिक लैंगिक अत्याचार केल्याचं उघडकीस आलं आहे. पाच नराधमांकडून एका १२ वर्षांच्या मुलींवर निघृणपणे अत्याचार करण्यात आला आहे.
सविस्तर माहिती अशी की, पीडित मुलगी तिच्या काकांसोबत राहते. २४ फेब्रुवारी रोजी ही मुलगी बेपत्ता झाली होती. त्यानंतर मुलीच्या काकांनी पोलिसांत अपहरणाची तक्रार दाखल केली होती. त्यातच मुलीचं अपहरण करून तिच्यावर बलात्कार करण्यात आल्याची माहिती आहे.
अल्पवयीन मुलीवरील बलात्कार प्रकरणी पोलिसांनी पाचही आरोपींना अटक केली असून ते AC मेकॅनिक असल्याची माहिती समोर आली आहे. या प्रकरणात पॉस्को अंतर्गतही गुन्हा दाखल करण्यात आला आहे. मुलीला एकटे बघून या आरोपींनी तिला संजय नगर येथील त्यांच्या घरी नेले आणि लैंगिक अत्याचार केला.
त्यानंतर या लहान मुलीला दादर परिसरात सोडण्यात आले आहे. पीडित मुलगी दादर परिसरात फिरत असताना काही पोलिसांनी तिला पाहिलं आणि त्यानंतर हे प्रकरण उघडकीस आलं. या प्रकरणात पाचही आरोपींना अटक करण्यात आली आहे. दरम्यान या प्रकरणी पोलिसांकडून पुढील तपास सुरू आहे.
