पुणे-सोलापूर महामार्गावर उरुळी कांचन जवळील ‘टायर फाट्यावर’ तीन वाहनांचा विचित्र अपघात, दोघांची प्रकृती अतिचिंताजनक, ९ गंभीर
उरुळी कांचन : पुणे – सोलापूर महामार्गावरील खेडेकर मळा परिसरात आयशर टेम्पो, चारचाकी कार व दुचाकी यांचा भीषण अपघात झाला. हा अपघात रविवारी (ता. २५) दुपारी तीन वाजण्याच्या सुमारास झाला. या अपघातात २ गंभीर जखमी झाले असून ७ जण किरकोळ जखमी झाल्याची माहिती आहे.
मिळालेल्या माहिती नुसार, , टेम्पो हा पुणे बाजूकडे निघाला होता. तर चारचाकी गाडी हि सोलापूरच्या निघाली होती. टेम्पोमध्ये बांधकामाच्या लोखंडी प्लेट होत्या. यावेळी टेम्पो चालकाचे गाडीवरील नियंत्रण सुटले व सोलापूरच्या बाजूने निघालेल्या चारचाकी गाडीवर जाऊन आदळला. हा तसेच बाजूने जाणाऱ्या एका दुचाकीलाला हि ठोकरले.
अपघात एवढा भीषण होता कि टेम्पो हा चारचाकी गाडीच्या बोनेटवर जाऊन थांबला. यावेळी गाडीत असलेल्या पती -पत्नी व त्यांच्या दोन मुलांना किरकोळ जखम झाली आहे तर टेम्पोतील दोघेजण गंभीर जखमी झाले असून दुचाकीवरील हि व्यक्ती जखमी झाल्याची माहिती आहे.
दरम्यान, अपघातग्रस्त व्यक्तींना कस्तुरी प्रतिष्ठान, लाईफ केअर रुग्ण वाहिकेच्या मदतीने उरुळी कांचन येथील गणराज हॉस्पिटल, सिध्दीविनायक हॉस्पिटल, झेड प्लस हॉस्पिटल या ठिकाणी उपचारासाठी दाखल करण्यात आल्याची माहिती आहे.
