महायुतीत ठिणगी! माजी नगरसेवकाचा अचानक भाजप प्रवेश शिंदेच्या जिव्हारी; घेतला मोठा निर्णय…
मुंबई : आगामी स्थानिक स्वराज्य संस्थांच्या निवडणुका तोंडावर असताना महायुतीत वादाला ठिणगी पडली आहे.निवडणुकीच्या पार्श्वभूमीवर भाजप आणि उपमुख्यमंत्री एकनाथ शिंदे यांच्या नेतृत्वाखालील शिवसेना गटात राजकीय संघर्ष दिसून आला आहे.
ठाकरे गटाचे कल्याण जिल्हाप्रमुख आणि डोंबिवलीतील प्रभावी नेते दिपेश म्हात्रे यांनी आज पक्षाला सोडचिठ्ठी देत भाजपमध्ये प्रवेश केला. दिपेश म्हात्रे हे गेल्या काही दिवसांपासून शिवसेना शिंदे गटात प्रवेश करणार असल्याचे बोललं जात होतं. मात्र अचानक दिपेश म्हात्रे यांनी भाजप प्रवेश केल्याने शिंदे गटालाही धक्का बसला आहे.
कल्याण डोंबिवली महानगरपालिका निवडणुकांच्या पार्श्वभूमीवर भाजपने शिवसेना शिंदे गटाच्या स्थानिक नेतृत्वाला धक्का देत माजी नगरसेविका पूजा म्हात्रे आणि माजी नगरसेवक दयानंद गायकवाड यांना शेकडो कार्यकर्त्यांसह पक्षात सामील करून घेतले. शिंदे गटाच्या नगरसेवकांना भाजपमध्ये प्रवेश मिळाल्याने शिंदे गट नाराज झाला. यामुळे शिंदे गटाने तात्काळ आक्रमक पावित्रा घेत, पलटवार करण्याची तयारी केली. भाजपच्या पक्षप्रवेशानंतर शिंदे गटाने पलटवार करत भाजपचे माजी नगरसेवक विकास म्हात्रे आणि त्यांची पत्नी माजी नगरसेविका कविता म्हात्रे यांना शिवसेना शिंदे गटात घेण्याचा निर्णय घेतला आहे. त्यामुळे भाजपला मोठा धक्का बसणार आहे..
भाजपचे माजी नगरसेवक विकास म्हात्रे आणि त्यांची पत्नी माजी नगरसेविका कविता म्हात्रे भाजपला रामराम करत शिंदे गटात प्रवेश करण्याचा निर्णय घेतला आहे. आज ठाण्यात उपमुख्यमंत्री एकनाथ शिंदे यांच्या निवासस्थानी हा पक्षप्रवेश सोहळा होणार आहे. मात्र त्यांच्या या पक्ष प्रवेशावर शिंदे गट नाराज असून भाजप युती धर्म पाळत नसेल, तर आम्हीही गप्प बसणार नाहीभाजपकडून शिंदे गटाच्या नगरसेवक आणि पदाधिकाऱ्यांचा प्रवेश घेतल्यानंतर शिवसेना एकनाथ शिंदे गटाने आता आक्रमक भूमिका घेतली आहे.
