धक्कादायक! पुण्यातील हॉटेलचा स्लॅब कोसळला, 2 जण ढिगाऱ्याखाली अडकले…

पुणे : पुण्यामध्ये एका हॉटेलचे नूतनीकरण सुरू असताना स्लॅब कोसळल्याची मोठी दुर्घटना घडली आहे.हा स्लॅब कोसळून दोन जण ढिगाऱ्याखाली गाढले गेले आहेत.. या घटनेची माहिती मिळताच अग्निशामन दलाचे जवान दाखल झाले अन् बचावकार्य तात्काळ सुरू करण्यात आले.

समोर आलेल्या माहितीनुसार, पुण्यातील ढोले पाटील रस्ता, हॉटेल कपिलामध्ये स्लॅब कोसळला आहे. स्लॅबच्या ढिगाऱ्याखाली दोन जण अडकले असुन या अडकलेल्या एका व्यक्तीला वाचण्यात आले आहे. तो व्यक्ती गंभीर जखमी झाला असून त्याला उपचारासाठी रूग्णालयात दाखल कऱण्यात आले आहे. तो गंभीर जखमी असल्याची माहिती समोर आली आहे. दुसऱ्या कर्मचाऱ्याला ढिगाऱ्याखालून काढण्याचे काम युद्धपातळीवर सुरू आहे. या घटनेने परिसरात खळबळ उडाली आहे.