धक्कादायक! पुण्यातील भोंदूबाबाने अल्पवयीन तरुणीला ऑफिसवर बोलावलं अन केलं भयानक कृत्य.,..

पुणे : विद्येचं माहेरघर म्हणून ओळखल्या जाणाऱ्या पुण्यात गेल्या काही दिवसापासून जादूटोना, अघोरी प्रथा, नरबळी यासारख्या घटना घडताना दिसत आहेत. अशातच आता पुण्यातील 45 वर्षीय भोंदू मांत्रिकाने एका अल्पवयीन तरुणीला ऑफिसमध्ये बोलावून तिच्यावर अत्याचार करण्याचा प्रयत्न केल्याची धक्कादायक घटना उघडकीस आली आहे.

याबाबत मिळालेल्या माहितीनुसार, अखिलेश लक्ष्मण जाधव (वय 45, रा. पुणे) असं त्या भोंदू बाबाच नाव आहे. त्यांने संबंधित पीडित तरुणीला व्हाट्सअपवर मेसेज करून ऑफिसमध्ये वस्तू घ्यायला बोलावलं.कॉलेज संपल्यानंतर ती मुलगी ऑफिसमध्ये पोहोचली. तिथे कोणीही नसल्याचा फायदा घेत आरोपीने एका पडद्यामध्ये घेऊन मंत्र म्हण असं सांगितलं.मुलीने भीतीने नकार दिला, यावर भोंदू बाबाने तिला जबरदस्तीने मिठी मारली आणि किस करण्याचा प्रयत्न केला.या धक्कादायक घटनेनंतर पीडित मुलीने सर्व प्रकार आपल्या भावाला सांगितला. त्यानंतर भावाने सहकारनगर पोलीस ठाण्यात तक्रार दाखल केली आणि त्यानुसार गुन्हा नोंद करण्यात आला आहे.

याप्रकरणी संबंधित भोंदू बाबा अखिलेश लक्ष्मण जाधव (वय ४५, रा. पुणे) याच्याविरुद्ध IPC कलम 295, तसेच महाराष्ट्र नरबळी आणि अघोरी प्रथा प्रतिबंधक कायदा 2013 अंतर्गत कलम 74, 78 नुसार गुन्हा दाखल करण्यात आला आहे.