पुणेकरांना धक्का!! पीएमपीएमएलचा महत्त्वाचा निर्णय, आता प्रवाशांना..
पुणे : पुणे महानगर परिवहन महामंडळाच्या बसच्या तिकीट दरात मोठी वाढ झाली आहे. आता पहिल्या टप्प्यासाठी (० ते २ किलोमीटर) १० रुपये मोजावे लागणार आहेत, जे यापूर्वी ८ रुपये होते. त्याचप्रमाणे पुढील टप्प्यांमध्येही जवळपास २० टक्क्यांपर्यंत वाढ करण्यात आली आहे. लांबच्या मार्गांवर प्रवास करणाऱ्या प्रवाशांना याचा अधिक फटका बसणार आहे.
ही दरवाढ अनेक वर्षांपासून प्रलंबित होती. वाढत्या इंधनाच्या किमती कर्मचाऱ्यांचा खर्च आणि वाहनांच्या देखभालीचा वाढलेला खर्च यामुळे ही दरवाढ करणे आवश्यक होते, असे प्रशासनाने सांगितले आहे. या दरवाढीमुळे पीएमपीएमएलच्या उत्पन्नात वाढ होईल आणि त्यामुळे प्रवाशांना अधिक चांगली सेवा पुरवणे शक्य होईल.
असे असताना या दरवाढीमुळे सामान्य प्रवाशांच्या खिशाला चांगलाच चाप बसणार आहे. ही दरवाढ तब्बल २० टक्क्यांपर्यंत असून, १ मे २०२५ पासून ती लागू झाली आहे. या दरवाढीमुळे शहरातील सामान्य नागरिक आणि नियमित बस प्रवाशांना मोठा आर्थिक फटका बसणार आहे. मागील अनेक वर्षांपासून पीएमपीएमएलच्या तिकीट दरात कोणतीही वाढ झाली नव्हती.
यामध्ये बस पासच्या दरातही वाढ झाली आहे, ज्यामुळे नियमित प्रवाशांना मासिक खर्चात वाढ सहन करावी लागणार आहे. या दरवाढीमुळे अनेक नागरिक आता खासगी वाहनांकडे वळण्याची शक्यता आहे. दरम्यान, ऐन महागाईच्या काळात ही दरवाढ अन्यायकारक असून, ती तातडीने मागे घ्यावी, अशी मागणी संघटनांनी केली आहे. अनेक राजकीय पक्षांनीही या दरवाढीवर नाराजी व्यक्त केली.
प्रवासी संघटनांनी या दरवाढीला तीव्र विरोध दर्शवला आहे. आंदोलनाचा इशारा दिला आहे. या दरवाढीवर राज्य सरकार आणि पीएमपीएमएल प्रशासन काय भूमिका घेते, हे लवकरच समजेल. प्रवाशांच्या सोयीसाठी आणि त्यांच्यावरील आर्थिक भार कमी करण्यासाठी काहीतरी मध्यम मार्ग काढण्याची गरज आहे, असे मत अनेकांनी व्यक्त केले आहे.
दरम्यान, पुणे शहरात सार्वजनिक वाहतूक हा अनेक गरीब आणि मध्यमवर्गीय लोकांसाठी जीवनावश्यक भाग आहे आणि अशा परिस्थितीत केलेली दरवाढ त्यांच्यावर मोठा आर्थिक भार टाकणारी आहे. यामुळे यावर विचार करणे गरजेचे असल्याचे सांगितले जात आहे.
