Sharad Pawar : …तर केंद्रात भाजपचे सरकार स्थापन होऊ शकले नसते!! शरद पवार यांचे मोठे वक्तव्य

Sharad Pawar : लोकसभा निवडणुकीत ४०० पारचा नारा देणाऱ्या भाजपला मोठा फटका बसला. २०१९ च्या तुलनेत भाजपच्या ६० पेक्षा जास्त जागा देशभरात कमी झाल्या. पंतप्रधान नरेंद्र मोदी यांनी सभांचा धडाकाच लावला होता.

एनडीए ४०० पर्यंत जाईल असा दावा अमित शाह यांनी केला होता. मात्र प्रत्यक्षात एनडीएचे ३०० उमेदवारही निवडून आले नाहीत. अशातच आता शरद पवार यांनी सर्वात मोठे वक्तव्य केले आहे.

शरद पवार पुढे म्हणाले, भाजपने मित्रपक्षांसोबत सरकार स्थापन केल्यामुळे केंद्रात एकच व्यक्तीचे सरकार होते ते दिवस आता गेले आहेत, असे मत शरद पवार यांनी बुधवारी व्यक्त केले. मोदींची हमी आता संपली आहे. मताच्या बळावर परिवर्तन घडवून आणणे शक्य आहे.

बारामती लोकसभा मतदारसंघातील पुरंदर तालुक्यात झालेल्या सभेत शरद पवार म्हणाले की, निवडणुका संपल्या असून नवीन सरकार स्थापन झाले आहे. गेल्या १० वर्षात एकमुखी सरकार होते पण आता त्या व्यवस्थेपासून मुक्त झाले आहे. यावेळी इतरांच्या मदतीने सरकार स्थापन करण्यात आले आहे. Sharad Pawar

बिहारचे मुख्यमंत्री नितीश कुमार आणि आंध्र प्रदेशचे मुख्यमंत्री चंद्राबाबू नायडू यांच्या सहकार्याशिवाय सरकार स्थापन होऊ शकले नसते, असे शरद पवार म्हणाले. त्यांच्या मदतीने सरकार स्थापन झाले. म्हणजे एकमुखी सरकार होते ते दिवस गेले.

याचा अर्थ असाही होतो की, मोदींची जी हमी आपण ऐकायचो ती आता संपली आहे. असाच निकाल विधानसभा निवडणुकीतही येणार हे लोकसभा निवडणुकीच्या निकालावरून दिसून आले आहे, असे ते म्हणाले. लोकसभा निवडणुकीचे निकाल विधानसभा निवडणुकीतही दिसत आहेत.