Sharad Pawar : शरद पवार गटाला मोठा धक्का! निवडणूक आयोगाने शरद पवारांची ‘ती’ मागणी फेटाळली…

Sharad Pawar : संपूर्ण देशाचे लक्ष लागलेल्या महाराष्ट्र विधानसभा निवडणुकांचे बिगुल अखेर वाजले आहे. केंद्रीय निवडणूक आयोगाकडून महाराष्ट्र विधानसभा निवडणुकांचा कार्यक्रम जाहीर करण्यात आला आहे. येत्या २० नोव्हेंबर रोजी महाराष्ट्रातील विधानसभा निवडणूक पार पडणार आहे. केंद्रीय निवडणूक आयोगाने पत्रकार परिषद घेत याबद्दलची मोठी घोषणा केली आहे.

यावेळी मुख्य निवडणूक आयुक्त राजीव कुमार यांनी विविध मुद्द्यांवर संवाद साधला. शरद पवार यांच्या राष्ट्रवादी काँग्रेसने निवडणूक आयोगाकडे पिपाणी चिन्ह फ्रीझ करण्याची मागणी केली होती, परंतु आयोगाने ती फेटाळली आहे.

पत्रकार परिषदेत एक प्रतिनिधीने पवार यांची मागणी संदर्भात विचारले, “पिपाणी चिन्ह फ्रीझ करणार आहात का? यावर राजीव कुमार यांनी स्पष्ट केले की, पिपाणी हे चिन्ह पूर्णपणे वेगळे आहे आणि त्याला आमच्या धोरणानुसार हात लावण्याची गरज नाही.

शरद पवार यांच्या पक्षाने केलेल्या दोन मागण्यांमध्ये एक होती तुतारी वाजवणाऱ्या व्यक्तीच्या चिन्हाचा आकार मोठा करण्याची. यावर आयोगाने स्पष्टपणे सांगितले की, तुतारी चिन्हाचे स्वरूप बदलण्याची आवश्यकता नाही. Sharad Pawar

दरम्यान, आयोगाच्या या निर्णयामुळे आगामी निवडणुकांमध्ये गोंधळ टाळण्यात मदत होईल, असे मानले जात आहे. आयोगाने यापूर्वीही निवडणूक प्रक्रियेत पारदर्शकता आणि सुव्यवस्था राखण्याचे आश्वासन दिले आहे.

आगामी निवडणुकांमध्ये मतदारांच्या मनामध्ये स्पष्टता राखण्यासाठी आयोगाने हे निर्णय घेतले आहेत. यामुळे निवडणूक प्रक्रियेच्या यशस्वीतेसाठी योगदान होईल, असेही त्यांनी नमूद केले आहे.