Sharad Mohol : शरद मोहोळचे भाजप कनेक्शन उघड? हत्या झाल्यानंतर मोठी माहिती आली समोर..

Sharad Mohol पुणे : पुण्यामध्ये भर दिवसा झालेल्या गोळीबारामध्ये कुख्यात गँगस्टर शरद मोहोळ याचा खून करण्यात आला आहे. कोथरूड परिसरातील सुतारदरामध्ये दुचाकीवर आलेल्या अज्ञातांनी त्याला गोळ्या घातल्या. सुरूवातीला शरद मोहोळ याला रूग्णालयात दाखल करण्यात आले होते. मात्र उपचारादरम्यान त्याचा मृत्यू झाला आहे.

शरद मोहोळ याची हत्या करणाऱ्या आरोपीला पोलिसांनी अटक केल्याची माहिती समोर आली आहे. पोलिसांनी जवळपास आठ आरोपींना ताब्यात घेतले आहे. Sharad Mohol

दरम्यान पोलीस याचा तपास करत आहेत. शरद मोहोळ याच भाजप कनेक्शन असल्याच्या देखील चर्चा सध्या रंगल्या आहेत. शरद मोहोळ याचं भाजपासोबत कनेक्शन काय होतं ते जाणून घ्या…

शरद मोहोळ याची पत्नी स्वाती मोहोळ यांनी भाजपमध्ये प्रवेश केला होता. ज्यावेळी कोथरूडचे आमदार चंद्रकांत पाटील, शहराध्यक्ष जगदीश मुळीक आणि प्रदेश सरचिटणीस मुरलीधर मोहोळ होते.

त्यावेळी स्वाती मोहोळ यांनी भाजपमध्ये पक्षप्रवेश केला होता. त्याचबरोबर शरद मोहळच्या पत्नीने भाजपमध्ये पक्ष प्रवेश केल्यावर अनेकांनी जोरदार टीका देखील केली होती. Sharad Mohol

दरम्यान, कोथरूड परिसरामध्ये शरद मोहोळ टोळीचे वर्चस्व असून याचा फायदा भाजपला निवडणुकीमध्ये होणार होता. मात्र गुंडाला भाजपमध्ये घेतल्यामुळे मोठ्या प्रमाणात टीका देखील झाली होती.

मात्र निवडणुकाआधीच शरद मोहोळ याचा नेमका गेम कोणी केला? हा खून टोळी युद्धातून झाला की दुसऱ्या व्यक्तीने केला. याचा तपास सध्या पोलीस यंत्रणा करत आहे.