Sanjay Raut : लाडक्या बहिणींना आता संजय राऊत यांनी दिला शब्द, आमचं सरकार आलं तर बहिणींच्या खात्यात ‘इतके’ रुपये जमा करू…

Sanjay Raut : मुख्यमंत्री माझी लाडकी बहीण योजना सध्या भलतीच चर्चेत आहे. सरकारकडून राज्यात मुख्यमंत्री लाडकी बहिण योजना लागू करण्यात आली आहे, ही सरकारची एक महत्त्वकांक्षी योजना आहे. या योजनेवरून संजय राऊत यांनी जोरदार हल्लाबोल केला आहे.

लाडकी बहीण योजना निवडणुकीचा टर्निंग पॉइंट ठरणार का? असा प्रश्न विचार असता त्यांनी जोरदार हल्लाबोल केला. ’ अजिबात नाही कदाचित तो न्यूटन ठरेल त्यांच्यासाठी टर्निंग पॉईंट असं काही नाही, अशा प्रकारच्या खूप योजना महाराष्ट्र सरकारने राबवलेल्या आहेत. ती काय नवीन योजना नाही, त्यांनी काय फार मोठी क्रांती केली नाही.

आम्ही ३००० रुपये देऊ…

महिलांसाठी अशा अनेक योजना यापूर्वी आलेल्या आहेत. ते दीड हजार रुपये काही खिशातले देत नाहीत, तो लोकांचा पैसा आहे. या योजनेचा लाभ महिलांनी घेतला पाहिजे. आमचे सरकार येईल तेव्हा पंधराशे ऐवजी आम्ही ३००० रुपये देऊ हा आमचा शब्द आहे, असे संजय राऊत यांनी म्हंटले आहे.