बदलापूर प्रकरणात नवा ट्विस्ट, आरोपीच्या वडीलांनी केला नवा दावा !

Badlapur case : बदलापूरमधील एका शाळेत दोन चिमुकल्यांवर अत्याचार झाल्याच्या धक्कादायक घटनेनंतर, आरोपी अक्षय शिंदे याच्या वडिलांनी या प्रकरणात एक नवा ट्विस्ट आणला आहे. अक्षय शिंदे याच्या वडिलांनी आपल्या मुलाला फसवण्यात आले असल्याचा दावा केला आहे. त्यांनी आपल्या मुलाची पुन्हा मेडिकल चाचणी करावी अशी मागणी केली आहे.

त्यांनी पोलीस ठाण्यात तक्रार दाखल केली असून, अक्षयवर मारहाण करण्यात आल्याचा आरोप केला आहे. तसेच, अक्षयच्या वडिलांनी त्याच्या निर्दोषतेचा विश्वास व्यक्त करत, त्याच्या पुन्हा मेडिकल चाचणीची मागणी केली आहे.

अक्षय शिंदे याच्या आईने आपल्या मुलाच्या निर्दोषतेचा दावा केला आहे. ती म्हणाली, अक्षय 23-24 वर्षांचा आहे. तो अशा प्रकारे गुन्हा करू शकत नाही. त्याने आधी माझ्यासोबत सोसायटीची कामं केली आहेत. तो गुन्हेगार आले तर त्याला फाशी दिली तरी चालेल, पण माझा मुलगा असं काही करणार नाही. अक्षय दहावी नापास आहे आणि तो शाळेतील कामांसाठी फक्त शिपाई म्हणून काम करत होता.