Rituraj Singh : टेलिव्हिजनवरील लोकप्रिय चेहरा हरपला, अभिनेते ऋतुराज सिंह यांचे निधन, वयाच्या ५९ व्या वर्षी घेतला अखेरचा श्वास

Rituraj Singh : हिंदी सिनेमा आणि मालिका सृष्टीतले लोकप्रिय अभिनेते ऋतुराज सिंह यांचं आज निधन झाले. वयाच्या ५९ व्या वर्षी त्यांनी अखेरचा श्वास घेतला. कार्डियाक अरेस्टने त्यांचं निधन झाल्याची माहिती आहे.

सोमवारी रात्री त्यांचे निधन झाल्याची माहिती समोर आली आहे. ऋतुराज सिंह यांच्या निधनानं टीव्ही सृष्टीला चांगलाच धक्का बसला आहे. चाहत्यांनी आणि प्रेक्षकांनी त्यांना सोशल मीडियावर श्रद्धांजली वाहिली आहे.

ऋतुराज सिंह यांचे जवळचे मित्र अमित बहल यांनी त्यांच्या निधनाची माहिती दिली आहे. त्यांनी असे सांगितले की, ऋतुराज यांचे हृदयविकाराच्या झटक्याने निधन झाले आहे. तसेच त्यांना स्वादुपिंडाशी संबंधित समस्या देखील जाणवत होत्या.

हिटलर दीदी, शपथ, रिश्ता क्या कहलाता है, होगी अपनी बात, ज्योती, वॉरियर हाय, आहट और अदालत, दिया और बाती हम यांसारख्या अनेक मालिकांमध्ये त्यांनी वेगवेगळ्या भूमिका साकारल्या.

तसेच त्यांनी रितु तड़प, बद्रीनाथ की दुलहनिया, आशिकी,मेरी आवाज ही पहचान है, सत्यमेव जयते, डर आणि बाजीगर या चित्रपटांमध्ये ऋतुराज सिंह यांनी महत्वाची भूमिका साकारली आहे. सध्या ऋतुराज सिंह हे अनुपमा या मालिकेत काम करत होते. त्यांच्या निधनाच्या बातमीनं मालिकेमधील कलाकारांनाही खूप मोठा धक्का बसला आहे