Ramesh Thorat : जयकुमार गोरे साहेब ती बिल्डिंग नेमकं कोणी बांधली याचा अभ्यास करा आणि मग बोला! माजी आमदार रमेश थोरात यांचे सडेतोड उत्तर…

Ramesh Thorat : दौंड येथे  प्रांत कार्यालयाच्या उद्धाटनाचा कार्यक्रम नुकताच पार पडला. यावेळी मंत्री राधाकृष्ण विखे पाटील उपस्थित होते. दौंड तालुक्यातील मागण्यांवर विचार करून तालुक्याच्या विकासासाठी सहकार्य करण्यात येईल, असे प्रतिपादन त्यांनी उद्घाटनानंतर झालेल्या शेतकरी मेळाव्यात केले.

प्रांत कार्यालय उद्घाटन, तालुका क्रीडा संकुलातील जॉगिंग ट्रॅकचे लोकार्पण, निरीक्षक राज्य उत्पादन शुल्क कार्यालयाच्या नवीन बांधण्यात येणाऱ्या इमारतीचे भूमिपूजन, दौंड- गोपाळवाडी रस्त्याचे भूमिपूजन मंत्री  विखे पाटील यांच्या हस्ते झाले.

दरम्यान, यावेळी आमदार जयकुमार गोरे उपस्थित होते. त्यांनी माजी आमदार समेश थोरात यांच्यावर जोरदार टीका केली. तेव्हाच्या आमदारांना काही समजत नव्हते. त्यांनी विकास केला नाही, असे जयकुमार गोरे यांनी म्हटले होते. Ramesh Thorat

आता याला रमेश थोरात यांनी उत्तर दिले आहे. ते म्हणाले, तुम्ही ज्या इमारतीचे उद्घाटन केले ती कोणाच्या काळात झाली याचा अभ्यास तुम्ही करा, म्हणजे तुम्हाला सगळं समजेल. तुम्ही एक जबाबदार व्यक्ती आहात, त्यामुळे टीका करताना विचार करा असेही माजी आमदार रमेश थोरात म्हणाले.

तसेच रमेश थोरात म्हणाले, मी गेली ५० वर्ष राजकारणात काम करतो. ४० वर्ष जिल्ह्या मध्यवर्ती बँकेत काम करतोय. मध्यवर्ती बँक देशात नव्हे तर, आशिया खंडात टॉपला गेली आहे.

हे संपूर्ण देशाला माहित आहे, महाष्ट्रातील संपूर्ण जनेतला माहित आहे. आपण जो माझा उल्लेख केला आहे, तुम्हाला फुलांनी स्वागत करावे, अशी तुम्ही माझी स्तुती केली तुम्हाला खूप… खूप धन्यवाद देतो. आणि मला एकदा समक्ष भेटल्यावर मग चर्चा करू, पण या गोष्टीचा मी जाहीर निषेध करतो.

अशा प्रकारे थोरात यांनी जय कुमार यांच्या टीकेचा जाहीर निषेध करून समाचार घेतला आहे. यामुळे आमदार जयकुमार गोरे यांनी केलेल्या टीकेचा दौंडचे माजी आमदार रमेश थोरात यांनी चांगलाच समाचार घेतला आहे.