राज कुशवाह केवळ प्यादा, सोनमच्या आयुष्यात तिसऱ्याच पुरुषाची एन्ट्री, खळबळजन माहिती आली समोर..
इंदूर : लग्नानंतर अवघ्या १२ दिवसांनी इंदूरहून हनिमूनसाठी मेघालयला गेलेल्या नवविवाहित राजा आणि सोनम रघुवंशी या जोडप्याच्या प्रवासाचा अंत एका भीषण हत्येने झाला. राजा रघुवंशी याचा मृतदेह एका खोल दरीत सापडल्याने प्रकरण अधिक धक्कादायक ठरलं.
तसेच आतापर्यंत या प्रकरणात सोनम आणि राज कुशवाह यांच्यातील कथित प्रेमसंबंध हेच मुख्य कारण मानले जात होते. पण पोलिस सूत्रांनुसार आता तिसऱ्या पुरुषाच्या उपस्थितीचा संशय अधिक गडद झाला आहे.
सोनम रघुवंशीच या संपूर्ण कटाची मुख्य सूत्रधार (मास्टरमाइंड) आहे. राज कुशवाह हा फक्त एक प्यादा होता. सोनमने त्याला फसवून, त्याच्या प्रेमाचा वापर करून राजा रघुवंशीच्या हत्येसाठी उपयोग केला. राज कुशवाहसोबत लग्न करण्याचं आश्वासन देत तिने त्याच्यावर नियंत्रण मिळवलं. इतर तिघा आरोपींना तिने पैशांचे आमिष दाखवले.
पोलिसांच्या माहितीनुसार, सोनम कोणत्या तिसऱ्या व्यक्तीसोबत पळून जाण्याच्या तयारीत होती, असा संशय आहे. या तिसऱ्या व्यक्तीबद्दल सध्या अधिकृत माहिती समोर आलेली नाही, पण हा खरा मास्टरप्लॅनर असू शकतो. राज कुशवाहला या संपूर्ण कटाची पूर्ण कल्पनाही नव्हती, असे पोलिसांचे म्हणणे आहे. त्यामुळे तो सोनमच्या सांगण्यानुसार अंधपणे पुढे जात होता
दरम्यान, या प्रश्नाचे उत्तर अजूनही गुलदस्त्यात आहे. सोनमच्या कुटुंबातील सदस्यांनी आणि तिने काम केलेल्या प्लायवूड कंपनीतील कर्मचाऱ्यांनी स्पष्ट सांगितले की, राज आणि सोनममध्ये कोणतेही प्रेमसंबंध नव्हते. उलट सोनमने राजला “दीदी” म्हणून संबोधले जायचे, आणि राखी देखील बांधली होती. त्यामुळे राज आणि सोनमच्या नात्याच्या स्वरूपावरही अनेक शंका उपस्थित झाल्या आहेत.
