कोयता गॅंगची पुन्हा दहशत ! दिघीत महाविद्यालयीन विद्यार्थ्यांचा राडा..!!
pune : मागील काही महिन्यांपासून पुण्यात कोयता गँग राडा करताना दिसत आहे . यासाठी पुणे पोलिसांनी वेगवेगळ्या शक्कल लढवून देखील कोयता गँगला अजून आळा बसलेला नाही. यामुळे आता पुण्याचा बिहार होतोय का? अश्या प्रकारच्या लोकांच्या मनामध्ये भीती निर्माण होत आहे . दरम्यान आता पुन्हा एकदा कोयता गँगने पुण्यात धुमाकूळ घातल्याची माहिती समोर आली आहे.
पुण्यात दिघीमध्ये महाविद्यालयाच्या परिसरात विद्यार्थ्यांच्या टोळक्यानं हातात कोयता घेऊन जोरदार राडा केला. यामुळे तेथील परिसरात एकच खळबळ उडाली आहे. एकमेकांना खुन्नस देण्यावरून विद्यार्थ्यांच्या दोन गटात हा राडा झाल्याची माहिती समोर आली आहे. या घटनेचा एक व्हिडीओ देखील सोशल मीडियावर व्हायरल झाला आहे.
सोशल मीडियावर व्हिडीओ समोर येताच पोलिसांनी या प्रकरणात तातडीनं कारवाई केली आहे. महाविद्यालय परिसरात हातात कोयता घेऊन राडा घालणाऱ्या चार विद्यार्थ्यांच्या मुसक्या आवळल्या आहेत. त्याचबरोबर घटनेबाबत अधिक तपास सुरू असल्याचं पोलिसांनी सांगितल आहे .
