पुणे हादरलं! लग्नाचं आमिष दाखवून 2 तरुणींसह महिलेवर बलात्कार, आरोपींना अटक..

पुणे : गेल्या काही दिवसांपासून पुण्यात महिला अत्याचाराच्या घटना समोर येत असतानाच आता लग्नाचं आमिष दाखवून दोन तरुणी आणि एका महिलेवर बलात्कार केल्याची प्रकरणं उघडकीस आली आहेत. कोंढवा, हडपसर आणि सहकारनगर पोलीस ठाण्यांत गुन्हे दाखल करण्यात आले आहे. याप्रकरणी आरोपीस अटक करण्यात आली असून पोलिसांकडून पुढील तपास सुरू आहे.

समोर आलेल्या माहितीनुसार, कोंढव्यात अनिकेत राकेश निकाळजे याने अल्पवयीन मुलीशी ओळख केली. त्यानंतर राकेशने अल्पवयीन मुलीला विश्वासात घेत तिला लग्न करण्याचे आमिष दाखवले. त्यानंतर त्याने पीडितेवर वारंवार बलात्कार केला. पीडित मुलीने विवाहाबाबत विचारणा केल्यानंतर त्याने उडवाउडवीची उत्तरे दिली. त्याने पीडितेला धमकावले. घाबरलेल्या युवतीने नुकतीच पोलीस ठाण्यात धाव घेत घडलेल्या घटनेप्रसंगी तक्रार दाखल केली. पोलिसांनी आरोपी अनिकेतला काही तासात बेड्या ठोकल्या आहेत.तसेच पुण्यातील हडपसर भागात देखील लग्नाचं आमिष दाखवून तरुणीवर बलात्कार केल्याची घटना घडली आहे. आरोपीने पीडित तरुणीला प्रेमाच्या जाळ्यात ओढलं त्यानंतर तिला लग्नाचं आमिष दाखवलं. शिवाय तिच्यावर वारंवार बलात्कार केला. यानंतर तरुणीने पोलीस ठाण्यात धाव घेत आरोपी अभिषेक सरक विरोधात तक्रार दाखल केली. पोलीस या घटनेचा सविस्तर तपास करत आहेत.

दरम्यान, लग्नाच्या आमिषाने एका महिलेवर बलात्कार केल्याची आणखी एक घटना पुण्यातील सहकारनगर मधून उघडकीस आली आहे. याबाबत एका महिलेने सहकारनगर पोलीस ठाण्यात तक्रार दाखल केली आहे. पोलीस या घटनेचा तपास करत असून पुण्यासारख्या सुशिक्षित शहरात या घटनांची संख्या वाढत आहे.