रिंगरोडसाठी पुन्हा नव्याने फेरमूल्यांकनाचे काम सुरु, फेरमूल्यांकन फायद्याचे
पुणे : पुणे जिल्ह्याच्या विकासाचा कायापालट करणारा रिंगरोड प्रकल्प आता पुन्हा लांबणीवर पडणार आहे. यासाठी आता नव्याने दर निश्चित करण्याची प्रक्रिया जिल्हा प्रशासनाने सुरू केली आहे. यामुळे याकडे सर्वांचे लक्ष लागले आहे.
याबाबतची माहिती अशी की, नवीन मूल्यांकनामध्ये प्रकल्पाची अधिसूचना जाहीर झालेल्या वर्षालगतची वर्षे सोडून दर निश्चित करण्यात येणार आहेत.
कोरोना काळात जमीन खरेदी-विक्रीचे व्यवहार खूप कमी प्रमाणात झाले होते. आता नव्याने करण्यात येणाऱ्या फेरमूल्यांकनामध्ये कोरोना अगोदरच्या वर्षांचे व्यवहार गृहीत धरण्यात येणार असल्याने शेतकऱ्यांना अधिकचे दर मिळण्याची शक्यता निर्माण झाली आहे. यामुळे शेतकऱ्यांना दिलासा मिळू शकेल.
प्रशासनाने फेरमूल्यांकनाची प्रक्रिया सुरू केली आहे. काही गावांचे मूल्यांकन केले असता, शेतकऱ्यांना अधिकचे पैसे मिळण्याची शक्यता निर्माण झाली आहे. यामुळे पुणे आणि पिंपरी- चिंचवड शहराची वाहतूक कोंडीतून सुटका करणारा व जिल्ह्याच्या विकासासाठी अत्यंत महत्त्वपूर्ण प्रकल्प म्हणून रिंगरोकडे पाहिले जाते.
जिल्हाधिकारी डॉ. राजेश देशमुख यांनी गेल्या दोन वर्षांत रिंगरोड प्रकल्पाला चांगली गती दिली आहे. आता राज्य शासनाने राज्यातील विविध प्रकल्पांसाठी संपादित करण्यात येणाऱ्या जमिनींचे फेरमूल्यांकन झाली आहे.
आता नव्याने ही प्रकिया सुरू करावी लागणार आहे, यामुळेच प्रकल्पाचे काम पुन्हा लांबणीवर पडणार आहे. यामुळे याकडे सर्वांचे लक्ष लागले आहे.
