Pune News : स्पर्धा परीक्षेची तयारी करणाऱ्या विद्यार्थीनीच्या मृत्यूचे खरे कारण आले समोर, पोलीस तपासात भयंकर माहिती उघड, वसतिगृह चालकास अटक…
Pune News : पुण्यात स्पर्धा परीक्षेची तयारी करणाऱ्या तरुणीने राहत्या हॉस्टेलवर गळफास घेऊन आत्महत्या केल्याने एकच खळबळ उडाली होती. या विद्यार्थींनीला आत्महत्येस प्रवृत्त केल्या प्रकरणी पाेलिसांनी वसतिगृह चालकास अटक केली
अभिलाषा मित्तल (वय.२७) असे आत्महत्या केलेल्या तरुणीचे नाव आहे.
विद्यार्थींनीला आत्महत्येस प्रवृत्त केल्या प्रकरणी पाेलिसांनी वसतिगृह चालकास अटक केली. सुनील परमेश्वर महानोर असे अटक करण्यात आलेल्या वसतिगृह चालकाचे नाव असल्याचे पाेलिसांनी सांगितले.
वाशिम येथील अभिलाषा मित्तल स्पर्धा परीक्षेच्या तयारीसाठी पुण्यात वास्तव्यास हाेती. तिने ७ एप्रिलला सायंकाळच्या सुमारास आत्महत्या केली. अभिलाषा हिच्या अंगावर मारहाणीच्या खुणा असल्याचे प्राथमिक तपासात समोर आले हाेते. त्यामुळे ही हत्या की आत्महत्या यादृष्टीने पाेलिस तपास करीत हाेते. Pune News
मिळालेल्या माहिती नुसार, अभिलाषा मित्तल ज्या हाॅस्टेलमध्ये राहत हाेती. तेथील वसतिगृह चालक सुनील परमेश्वर महानोर याने तिला अनामत रक्कम मागितली तसेच मारहाण केली. याबाबतची तक्रार तिच्या वडिलांनी खडक पाेलिसांत केली. त्यानूसार सुनील महानोर यास अटक केली आहे. अधिक तपास खडक पोलिस करत आहेत.
