Pune News : मोठी बातमी! पुण्यात दिवसाढवळ्या गुंड शरद मोहोळवर गोळीबार, घटनेने उडाली खळबळ..

Pune News : पुणे शहरात भरदिवसा गोळीबार झाला आहे. पुण्यातील उच्चभ्रू रहिवाशांचा परिसर असलेल्या कोथरूड परिसरात हा गोळीबार झाला. कुख्यात गुंड शरद मोहोळ याच्यावर अज्ञात हल्लेखोरांनी गोळीबार केला आहे. यामुळे एकच खळबळ उडाली आहे.

या घटनेत शरद मोहोळवर याला तीन गोळ्या लागल्या आहेत. त्याला तातडीने रुग्णालयात दाखल करण्यात आले आहे. कोथरूडमधील सुतारदरा परिसरात ही घटना घडली. अज्ञातांनी त्याच्यावर हल्ला केला असून शरद मोहोळ यामध्ये गंभीर जखमी झाला आहे.

त्याला तातडीने रुग्णालयात दाखल करण्यात आले आहे. गोळीबार नेमका कोणत्या कारणामुळे झाला याचे कारण अजून स्पष्ट झालेले नाही. परंतु गॅंगवार प्रकरणातून हा गोळीबार झाल्याचे बोलले जात आहे. कोथरूडमधील सुतारदरा परिसरात ही घटना घडली आहे. Pune News

दरम्यान, गोळीबार केल्यानंतर घटनास्थळावरुन आरोपी फरार झाले आहेत. गोळीबाराच्या घटनेची माहिती मिळताच पोलिसांचे पथक घटनास्थळी दाखल झाले आहे. पोलिसांनी या प्रकरणी चौकशी सुरु केली आहे. तसेच परिसरातील सीसीटीव्ही फुटेज तपासून हल्लेखोरांची माहिती घेतली जात आहे.