Pune News : पाण्याच्या टँकरमध्ये आढळला महिलेचा मृतदेह, धक्कादायक घटनेने पुणे हादरलं…

Pune News: पाण्याच्या टँकरमध्ये एका महिलेचा मृतदेह आढळून आल्यामुळे खळबळ उडाली आहे. फुरसुंगी येथील पॉवर हाऊसजवळ पाणी सोडत असताना हा प्रकार समोर आला आहे.

कौशल्या मुकेश चव्हाण असे या महिलेचे नाव आहे.

फुरसुंगी येथील पॉवर हाऊसजवळ पाणी सोडत असताना हा प्रकार समोर आला. पाण्याचा टँकर फुरसुंगी भागात पाणी सोडण्यासाठी पोहोचला होता. यावेळी टँकरमधून पाणी येत नसल्याने वरती चढून पाहिलं असता सगळेच चक्रावले. याचं कारण टँकरमध्ये चक्क एका महिलेचा मृतदेह तरंगत होता. हे चित्र पाहिल्यानंतर एकच खळबळ उडाली.

मिळालेल्या माहितीनुसार, महिला घरातून बेपत्ता होती. याप्रकरणी नवऱ्याने पोलीस ठाण्यात तक्रार दाखल केली होती. महिला घऱातून निघून गेली होती असं नवऱ्याचं म्हणणं आहे.

दरम्यान महिलेची हत्या झाली की आत्महत्या यासंबंधी पोलीस तपास करत आहेत. तसंच मृतदेह टँकरपर्यंत कसा पोहोचला याचा शोध पोलिसांना घ्यावा लागणार आहे. पोलिसांनी याप्रकरणी नवरा, नातेवाईकाला चौकशीसाठी ताब्यात घेतलं आहे.