Pune : पुणेकरांसाठी महत्वाची बातमी! पाणी जपून वापरा, संपूर्ण शहराचा गुरुवारी पाणीपुरवठा राहणार बंद…

Pune : पुणेकरांसाठी महत्वाची बातमी आहे. येत्या गुरुवारी (ता. २२) संपूर्ण पुण्याचा पाणी पुरवठा हा बंद राहणार आहे. तसेच शुक्रवारी देखील शहराला कमी दाबाने पाणी पुरवठा केला जाणार आहे.

महापालिकेच्या पर्वती जलशुद्धीकरण केंद्रांसह अन्य जलकेंद्रातील टाक्यांच्या देखभाल दुरुस्तीसाठी संपूर्ण शहराचा पाणीपुरवठा बंद ठेवला जाणार आहे. त्यामुळे नागरिकांनी पाणी जपून वापरुन पाण्याच्या योग्य साठा करावा असे आवाहन पुणे महानगर पालिकेच्या पाणी पुरवठा विभागाने केले आहे. Pune

पर्वती येथील नवीन आणि जुने जलशुद्धीकरण केंद्र तसेच त्याअंतर्गत एमएलआर, पर्वती एचएलआर, पर्वती एलएलआर टाक्या, खडकवासला जॅकवेल, पर्वती टँकर पॉइंट, लष्कर जलकेंद्र, वडगाव जलकेंद्र, नवे व जुने होळकर जलकेंद्र, वारजे जलकेंद्र, चांदणी चौक टाकी परिसर, गांधी भवन टाकी परिसर, पॅनकार्ड क्लब जीएसआर टाकी, वारजे जलकेंद्र जीएसआर टाकी, एसएनडीटी एमएलआर व एचएलआर परिसर, चतुशृंगी टाकी व त्यावर अवलंबून असलेल्या परिसरातील पाणीपुरवठा गुरुवारी संपूर्ण दिवस बंद राहणार आहे.

बहुतांश भागातील पाणीपुरवठा बंद राहणार असल्यामुळे नागरिकांनी आधीच सतर्क होऊन पाण्याची सोय करणे गरजेचे आहे. नागरिकांनी पाण्याचा वापर जपून करावा. तसेच मुबलक पाणी भरुन ठेवावे, असे आवाहन करण्यात आले आहे.