Pune Crime : आधी शितपेयातून गुंगीचे औषध, नंतर आक्षेपार्ह छायाचित्र काढून महिलेवर बलात्कार, पुण्यात धक्कादायक घटना

Pune Crime पुणे : शीतपेयातून गुंगीचे औषध देऊन एका महिलेवर बलात्कार करण्यात आल्याची घटना पुण्यातून समोर आली आहे. या प्रकरणी एका आरोपीला अटक करण्यात आली आहे. (Pune Crime)

सचिन यशवंत शिंदे (वय ४३, रा. एनडीए रस्ता) असे अटक करण्यात आलेल्या आरोपीचे नाव आहे. याप्रकरणी पीडित महिलेने कोथरुड पोलीस ठाण्यात दिली.

मिळालेल्या माहिती नुसार, पीडित महिला आणि आरोपी शिंदे यांची पूर्वीपासून ओळख आहे. आरोपी शिंदेने महिलेला वारजे भागात भेटण्यासाठी बोलावले होते. यावेळी त्याने महिलेला शीतपेयातून गुंगीचे ओैषध दिले. शीतपेय प्यायल्यावर महिलेला चक्कर आली.

यानंतर आरोपीने महिलेचे आक्षेपार्ह छायाचित्र काढली. हे छायाचित्र सोशल मिडियावर व्हायरल करण्याची धमकी आरोपीने महिलेला देत त्याने तिच्यावर बलात्कार केला. यानंतर देखील आरोपीने महिलेला धमकावत तिच्याकडे पैशांची मागणी केली.

दरम्यान, आरोपीने महिलेला जातिवाचक शिवीगाळ आणि मारहाण देखील केली. हा त्रास सहन झाल्याने अखेर पीडित महिलेने पोलिस ठाणे गाठत तक्रार दिली. पोलिसांनी आरोपी शिंदेला अटक केली आहे. पुढील तपास सहायक पोलीस आयुक्त भीमराव टेळे तपास करत आहेत.