Pune Crime : पुण्यात चोरीचा धक्कादायक थरार! प्रसिद्ध सराफ व्यवसायिकावर गोळीबार, कोट्यवधीचे दागिने लुटले..
Pune Crime पुणे : दिवसागणिक पुण्यातली गुन्हेगारी वाढते आहे असं म्हटलं तरी हरकत नाही. कोयता घेऊन रस्त्याने फिरणे, टोळा धाडी, गाड्या जाळणे एवढंच नाही तर शुल्लक रकमेसाठी हात तोडण्यासारख्या अंगावर काटा आणणारे प्रकार सध्या पुण्यात वेगात वाढले आहेत.सध्या असाच एक प्रकार समोर आला आहे. Pune Crime
पुण्यातील प्रसिद्ध सराफा व्यवसायावर गोळीबार करण्यात आल्याची धक्कादायक माहिती समोर आली आहे. बुधवारी रात्री दुकान बंद करून घरी जाणाऱ्या सराफावर भर रस्त्यात गोळीबार करण्यात आला आहे.
पुण्यामधील वानवडी भागातील बीटी कवडी रोड जवळ ही घटना घडली आहे. या घटनेमध्ये सराफा व्यवसाय गंभीर जखमी झाला आहे. त्याचबरोबर गोळीबार करणाऱ्यांनी व्यवसायिकाकडील सोन लुटून नेल्याची देखील माहिती मिळत आहे. सध्या या गोळीबाराच्या घटनेनंतर तेथील परिसरात एकच खळबळ उडाली आहे.
या घटनेची माहिती मिळताच घटनास्थळी पोलीस दाखल झाले आणि अधिकचा तपास सुरू केला आहे. दरम्यान हा गोळीबार नेमका कोणी केला? कोणत्या कारणावरून करण्यात आला? याबाबत अद्याप माहिती समोर आलेली नाही.
दरम्यान, ऐन दिवाळीच्या तोंडावर पुण्यातील प्रसिद्ध सराफा व्यावसायिकावर गोळीबार झाल्यामुळे पुणे शहर हादरले आहे. माहितीनुसार गोळीबार करून हल्लेखोरांनी कोट्यावधी रुपयांचे सोने लुटले आहे. हल्लेखोरांनी पाळत ठेवून हा प्रकार केला असल्याचे देखील बोलले जात आहे. या घटनेने मात्र एकच खळबळ उडाली आहे.
