Pune Crime : बागेत खेळणाऱ्या लहान मुलांसोबत धक्कादायक कृत्य, नराधमास अटक, पुण्यात भयंकर घटना…
Pune Crime : दिवसागणिक पुण्यातली गुन्हेगारीच्या घटनेत वाढ होताना दिसत आहे. सध्या अशीच एक धक्कादायक घटना समोर आली आहे बागेत खेळणाऱ्या दोन लहान मुलांना आईस्क्रीम देण्याच्या बहाण्याने त्यांच्यासोबत अश्लील कृत्य करुन त्यांचे लैंगिक शोषण केल्याचा प्रकार उघडकीस आला आहे.
याप्रकरणी ५५ वर्षीय नराधमावर पोक्सो कायद्यांतर्गत गुन्हा दाखल केरुन अटक केली आहे. ही घटना सोमवारी (ता.१५) वडगाव शेऱी येथील राजे छत्रपती शिवाजी महाराज उद्यानात रात्री साडे नऊ ते सव्वा दहा या दरम्यान घडली आहे.
याप्रकणी एका याबाबत पीडित मुलाच्या ४८ वर्षीय वडिलांनी येरवडा पोलीस ठाण्यात फिर्याद दिली आहे. त्यानुसार, सिंधु यलप्पा दिवटे (वय.५५ रा. वडगाव शेरी) याच्यावर पोक्सो कायद्यांतर्गत गुन्हा दाखल करुन अटक केली आहे. आरोपी सराईत गुन्हेगार असून त्याच्यावर येरवडा पोलीस ठाण्यात यापूर्वी पोक्सो कायद्यांतर्गत गुन्हा दाखल आहे. Pune Crime
मिळालेल्या माहिती नुसार, फिर्यादी हे त्यांचा ९ वर्षाचा मुलगा व मेहुण्याचा ११ वर्षाच्या मुलासोबत राजे छत्रपती शिवाजी महाराज उद्यानात वॉकिंग करत होते. त्यावेळी मुले बागेतील घसरगुंडी वर खेळत असताना आरोपी त्या ठिकाणी आला. त्याने मुलांना आईस्क्रीम खायला देतो असे सांगून त्यांच्यासोबत अश्लील वर्तन केले.
दरम्यान, याबाबत मुलाने वडिलांना सांगितले. त्यांनी येरवडा पोलीस ठाण्यात धाव घेत आरोपी विरोधात गुन्हा दाखल करुन अटक केली आहे. पुढील तपास सहायक पोलीस निरीक्षक तोडकरी करीत आहेत.
