Pune Crime : अल्पवयीन मुलीला ‘ते’ व्हिडीओ दाखवून लैंगिक शोषण, पुण्यातील कात्रज परिसरातील धक्कादायक घटना..

Pune Crime  पुणे : कात्रज परिसरामध्ये एका १७ वर्षांच्या मुलीला पॉर्न व्हिडिओ दाखवून तिचे लैंगिक शोषण केल्याचा धक्कादायक प्रकार उघडकीस आला आहे. या गंभीर प्रकरणात पोलिसांनी एकाला अटक केली आहे. Pune Crime

याप्रकरणी पीडित मुलीच्या आईने भारती विद्यापीठ पोलीस ठाण्यात मंगळवारी (ता.१०) फिर्याद दिली आहे. त्यानुसार ऋत्विक गणेश दगड (वय. २३ रा. कोंढवा रोड, कात्रज) याच्याव गुन्हा दाखल करुन त्याला अटक केली आहे.

हा प्रकार २०१७ ते २०२० दरम्यान वारंवार घडल्यामुळे पीडित मुलगी मनोरुग्ण बनली आहे.

मिळालेल्या माहिती नुसार, आरोपी ऋत्विक मुलीच्या घरी नेहमी ये-जा करायचा. तो फिर्यादी यांच्या १७ वर्षाच्या मुलीला पॉर्न व्हिडिओ दाखवून तिचे लैंगिक शोषण करत होता. तसेच तिच्यासोबत गैरकृत्य केले. हा प्रकार अनेक दिवस सुरु होता. आरोपीच्या सततच्या त्रासामुळे मुलीच्या मनावर परिणाम झाला.

तिला झटके येण्यास सुरुवात झाल्याने ती मानसिक रुग्ण बनल्याचे फिर्यादीत म्हटले आहे. पोलिसांनी आरोपीवर पोक्सो कायद्याअंतर्गत गुन्हा दाखल करुन आरोपीला अटक केली आहे. या घटनेचा पुढील तपास पोलीस करीत आहेत.