Pune Crime News : पुण्यात नेमकं चाललय तरी काय?, तंबाखू खायला दिली नाही म्हणून एकावर चाकूने सपासप वार…
Pune Crime News पुणे : दिवसागणिक पुण्यातली गुन्हेगारी वाढते आहे असं म्हटलं तरी हरकत नाही. कोयता घेऊन रस्त्याने फिरणे, टोळा धाडी, गाड्या जाळणे एवढंच नाही तर शुल्लक रकमेसाठी हात तोडण्यासारख्या अंगावर काटा आणणारे प्रकार सध्या पुण्यात वेगात वाढले आहेत.सध्या असाच एक प्रकार समोर आला आहे.
पुणे रेल्वे स्टेशनजवळ तंबाखू न दिल्याच्या वादातून एकावर जीवघेणा हल्ला करण्यात आला आहे. पुणे रेल्वे स्टेशनजवळ भुयारी मार्गातून जाणाऱ्या एका व्यक्तीवर चाकूने पोटात वार केल्याची घटना घडली.
तंबाखू न दिल्याच्या वादातून हा प्रकार घडला आहे, या घटनेने परिसरात खळबळ उडाली आहे. Pune Crime News
या हल्ल्यात सूरज परताने (वय ३८, रा. परभणी) गंभीर जखमी झाला आहे. या प्रकरणी बंडगार्डन पोलिस स्टेशनमध्ये गुन्हा दाखल करण्यात आला आहे. त्यावरून अनोळखी व्यक्तीविरुद्ध गुन्हा दाखल करण्यात आला आहे.
मिळालेल्या माहिती नुसार, सूरज परताने हा केटरिंग व्यवसायात आहे. तो रात्री दहाच्या सुमारास पुणे रेल्वे स्टेशनजवळ भुयारी मार्गातून जात होता.
त्यावेळी अनोळखी व्यक्तीने सूरजला तंबाखू मागितली. त्याने तंबाखू न दिल्यामुळे दोघांत बाचाबाची झाली. त्यावेळी अनोळखी व्यक्तीने सूरजच्या पोटात चाकूने वार केला.
दरम्यान, या हल्ल्यात सूरज गंभीर जखमी झाला आहे. जखमी सूरज परतानेला उपचारासाठी रुग्णालयात दाखल करण्यात आले आहे. या घटनेचा पुढील तपास बंडगार्डन पोलीस करत आहेत.
