Pune Crime News : विवाह नोंदणी संकेतस्थळावर झालेल्या ओळखीतून तरुणीवर बलात्कार, इंदापूर येथील तरुणावर गुन्हा दाखल…

Pune Crime News पुणे : विवाह नोंदणी संकेतस्थळावर झालेल्या ओळखीतून तरुणीवर बलात्कार केल्याची धक्कादायक घटना उघडकीस आली आहे. तसेच आरोपीने तरुणीकडून आठ लाख रुपयांचे सोन्याचे दागिने घेऊन फसवणूक देखील केली आहे. याप्रकरणी इंदापूर येथील तरुणावर गुन्हा दाखल करण्यात आला आहे. Pune Crime News

लखन महादेव भिसे (रा. इंदापूर रस्ता, पिंपळी, ता. बारामती, जि. पुणे ) असे गुन्हा दाखल केलेल्याचे नाव आहे. याप्रकरणी एका तरुणीने खडक पोलीस ठाण्यात फिर्याद दिली आहे.

मिळालेल्या माहिती नुसार, तक्रारदार तरुणी पुण्यात राहायला आहे. आरोपी भिसे आणि तिची विवाह नोंदणी संकेतस्थळावरुन ओळख झाली होती. भिसेने तिला विवाहाचे आमिष दाखवून जाळ्यात ओढले.

त्यानंतर त्याने तिच्यावर बलात्कार केला. तिच्याकडून आठ लाख तीन हजार रुपयांचे सोन्याचे दागिने घेतले. तरुणीने विवाहाबाबत विचारणा केल्यानंतर त्याने टाळाटाळ सुरू केली.

दरम्यान फसवणूक झाल्याचे उघडकीस आल्यानंतर तरुणीने पोलिसांकडे तक्रार दिली. भिसेविरुद्ध फसवणूक, बलात्कार, अनैसर्गिक कृत्य केल्याप्रकरणी गुन्हा दाखल करण्यात आला असून, या घटनेचा पुढील तपास पोलीस करीत आहेत.