Pune Crime News : मतदान संपताच पुन्हा गुंडगिरी सुरू! वारजे माळवाडीत गोळीबार, तिघांनी केले फायरिंग….
Pune Crime News : बारामती लोकसभा मतदारसंघातील मतदान संपताच पुण्यातील वारजे परिसरात दुचाकीवरुन आलेल्या तिघांनी पिस्तुलातून हवेत गोळीबार केल्याची घटना मंगळवारी रात्री उशिरा घडली.
या घटनेमुळे या परसरात दहशतीचे वातावरण आहे. पोलिसांनी घटनास्थळाचा पंचनामा केला असून आरोपींचा शोध घेतला जात आहे. आरोपींनी हवेत गोळीबार केला असून, गोळीबारामागचे कारण समजू शकले नाही. गोळीबार करणारे आरोपी कात्रजच्या दिशेने पसार झाले.
पसार झालेल्या आरोपींचा शोध घेण्याचे काम सुरू आहे. हवेत केलेल्या गोळीबाराने काही वेळ परिसरात दहशतीचं वातावरण निर्माण झालं होतं. लोकांमध्ये खळबळ उडाली होती.
वारजे माळवाडी येथील रामनगर भागात एक दोन नाही तर तिघे जण दुचाकीवरुन आले आणि त्यांनी हवेत गोळीबार केला. साधारण रात्री अकराच्या सुमारास ही घटना घडली. काल बारामती लोकसभा मतदारसंघासाठी मतदान पार पडलं. Pune Crime News
पुण्यातील वारजे हा परिसरात बारामती लोकसभा मतदारसंघात येतो. सगळं मतदान सुरळीत पार पडल्यानंतर ही घटना घडली. त्यामुळे परिसरात भीतीचे वातावरण निर्माण झाले होते.
मतदानाचे सगळे वातावरण शांत झाल्यानंतर हा प्रकार घडला. या तिघांनी गाडीवरुन येऊन हवेत गोळीबार का केला?, याचं कारण समजू शकलं नाही. गोळीबार करुन पसार झाल्याने तिघांचाही पोलिसांकडून शोध घेतला जात आहे.
परिसरातील सगळे सीसीटीव्ही पोलिसांकडून तपासले जात आहे. तिघांचाही शोध घेणं सुरु आहे. तिन्ही आरोपी सापडल्यानंतर त्यांनी हा प्रकार नक्की का केला असावा, याचं कारण स्पष्ट होईल.
