Pune Crime : पुण्यात चाललंय तरी काय! तरुणाचा धारदार शस्त्राने सपासप वार करुन निघृण खून, घटनेने उडाली खळबळ..
Pune Crime पुणे : दिवसागणिक पुण्यातली गुन्हेगारी वाढते आहे असं म्हटलं तरी हरकत नाही. कोयता घेऊन रस्त्याने फिरणे, टोळा धाडी, गाड्या जाळणे एवढंच नाही तर शुल्लक रकमेसाठी हात तोडण्यासारख्या अंगावर काटा आणणारे प्रकार सध्या पुण्यात वेगात वाढले आहेत.सध्या असाच एक प्रकार समोर आला आहे.
धारदार हत्याराने तरुणाच्या गळ्यावर, पोटावर सपासप वार करुन खून केल्याची खळबळजनक घटना कोंढवा परिसरात घडली आहे. या घटनेमुळे परिसरात खळबळ उडाली आहे. Pune Crime
ही घटना सोमवारी (ता.४) सकाळी साडेदहाच्या सुमारास शिवनेरीनगर येथील पारशी ग्राउंडवर घडकीस आली आहे. घटनेची माहिती मिळताच कोंढवा पोलिसांनी घटनास्थळी धाव घेतली. अज्ञात आरोपी विरुद्ध खुनाचा गुन्हा दाखल करण्यात आला आहे.
शहानवाज उर्फ बबलू सय्यद असे खून झालेल्या तरुणाचे नाव आहे. याप्रकरणी शहानवाज याचा भाऊ समीर मुनीर सय्यद (रा. ताहिर हाईट्स, फ्लॅट नं २०३, भागोदयानगर, पुणे) याने कोंडवा पोलीस ठाण्यात फिर्याद दिली आहे.
मिळालेल्या माहिती नुसार, फिर्यादी हे सोमवारी सकाळी कामावर जात असताना शितल पेट्रोल पंपाजवळ त्यांचा मित्र आसिफ शेख याने सांगितले की, त्यांचा भाऊ शहानवाज उर्फ बबलू याचा पारसी ग्राउंड येथे खून झाला आहे. फिर्यादी यांनी तेथे जाऊन खात्री केली. आरोपीने फिर्याद यांच्या भावाच्या पोटावर आणि गळ्यावर धारदार हत्याराने सपासप वार करुन निर्घृण खून केला.
घटनेची माहिती मिळताच वानवडी विभागाचे सहायक पोलीस आयुक्त शाहूराजे साळवे, वरिष्ठ पोलीस निरीक्षक संतोष सोनवणे , पोलीस निरीक्षक गुन्हे संदीप भोसले , पोलीस निरीक्षक गुन्हे संजय मोगले, सहायक पोलीस निरीक्षक सचिन थोरात यांनी घटनास्थळी भेट दिली. कोंढवा पोलीस आरोपीचा शोध घेत आहेत. या घटनेचा पुढील तपास पोलीस निरीक्षक गुन्हे संदीप भोसले करीत आहेत.
