Pune Crime : सांगवीत भररस्त्यात गोळ्या झाडून रेकॉर्डवरील गुन्हेगाराचा खून, घटनेने उडाली खळबळ…

Pune Crime : पुण्यात गुन्हेगारीच्या घटनेत अलीकडे वाढ होताना दिसत आहे. सध्या अशीच पिंपरी-चिंचवड शहरातील सांगवी येथून समोर आली आहे. एका तरुणाची गोळ्या झाडून हत्या करण्यात आली.

ही घटना बुधवारी रात्री १० च्या सुमारास पुण्यातील पिंपरी-चिंचवड येथील नवी सांगवी येथे पोलिस ठाण्याच्या जवळ घडली. दुचाकीवरून आलेल्या दोघा हल्लेखोरांनी एका तरूणावर गोळीबार केला. यात त्याचा जागीच मृत्यू झाला.

ठार झालेला तरुण हा रेकॉर्डवरील गुन्हेगार आहे. त्यांचावर अनेक गुन्ह्यांची नोंद आहे. आरोपींनी त्याच्या चेहेऱ्यावरगोळीबार केला. या घटनेने नंतर परिसरात एकच खळबळ उडाली आहे. Pune Crime

दीपक कदम असे खून झालेल्या तरुणाचे नाव आहे. आरोपी हा पोलिसांच्या रेकॉर्डवरील गुन्हेगार आहे.

सविस्तर माहिती अशी की, नवी सांगवी येथील शंकराच्या पुतळ्यापासून काही अंतरावर ही घटना घडली. आरोपी कदम हा येथे असतांना दोघे जण दुचाकीवरून आले. त्यांनी दीपक कदम याच्यावर जवळून तीन गोळ्या झाडल्या. त्या त्याच्या चेहऱ्याला लागल्याने त्याचा जागीच मृत्यू झाला.

या घटनेमुळे सांगवीसह पिंपळे गुरव परिसरात दहशतीचे वातावरण आहे. गोळीबार कुणी केला ? का केला हे प्रश्न अनुत्तरित आहेत. पोलिसांनी या प्रकरणी आरोपींचा शोध घेण्यासाठी तपास पथकांची स्थापना केली आहे. तसेच आरोपीचा शोध घेतला जात आहे.