Pune Crime : दारूसाठी पैसे न दिल्याने आईचे दात पाडले, अन् वडिलांना.., धक्कदायक घटनेने उडाली खळबळ…
Pune Crime : दिवसागणिक पुण्यातली गुन्हेगारी वाढते आहे असं म्हटलं तरी हरकत नाही. कोयता घेऊन रस्त्याने फिरणे, टोळा धाडी, गाड्या जाळणे एवढंच नाही तर शुल्लक रकमेसाठी हात तोडण्यासारख्या अंगावर काटा आणणारे प्रकार सध्या पुण्यात वेगात वाढले आहेत.सध्या असाच एक प्रकार समोर आला आहे.
दारू पिण्यासाठी पैसे देण्यास नकार दिल्याने वयोवृद्ध आईला बेदम मारहाण करून दात पाडून गंभीर जखमी केले. तसेच, भांडण सोडवण्यासाठी आलेल्या वडिलांनाही ढकलून देत जखमी केल्याचा धक्कादायक प्रकार उघडकीस आला आहे. Pune Crime
हा प्रकार गुरुवारी (ता.३०) संध्याकाळी साडेपाचच्या सुमारास सम्राटनगर येथे घडला हाेता. याप्रकरणी मद्यपी मुलावर गुन्हा दाखल करून खडकी पोलिसांनी त्याला अटक केली आहे.
डॉमनिक ऑगस्टिन डिसुजा (वय. ४५, रा. प्लॉट नं. २४ सम्राटनगर, बोपोडी) असे गुन्हा दाखल करून अटक करण्यात आलेल्या मुलाचे नाव आहे. याप्रकणी ऑगस्टिन जो डिसुजा (वय. ८३, रा. सम्राटनगर, बोपोडी) यांनी खडकी पोलिस ठाण्यात फिर्याद दिली.
मिळालेल्या माहिती नुसार, ऑगस्टिन डिसुजा हे पत्नी व आरोपी मुलगा एकत्र राहतात. आरोपी डॉमनिक याला दारूचे व्यसन आहे. गुरुवारी सायंकाळी त्याने आईकडे दारू पिण्यासाठी पैसे मागितले. आईने नकार दिला असता मद्यपी मुलाने आईच्या तोंडावर बुक्की मारली.
त्यावेळी ऑगस्टिन डिसुजा हे मध्ये पडले असता आरोपी मुलाने त्यांनादेखील शिवीगाळ करून ढकलून दिले. यात ते देखील जखमी झाले आहे. या प्रकरणाचा पुढील तपास पोलिस उपनिरीक्षक गुंजाळ करत आहेत.
