Pune Crime : अल्पवयीन मुलीला घरी बोलवून अश्लील कृत्य, आरोपीला विमानतळ पोलिसांनी ठोकल्या बेड्या..
Pune Crime : शहरात महिला अत्याचाराच्या घटनांमध्ये अलीकडे वाढ होताना दिसत आहेत. बलात्कार, विनयभंग, छेडछाड अशा दिवसाला एक ते दोन घटना दररोज घडत आहेत. सध्या अशीच एक धक्कादायक घटना समोर आली आहे.
अल्पवयीन मुलीला घरी बोलवून तिच्यासोबत अश्लील कृत्य केल्याची धक्कादायक घटना उघडकीस आली आहे. याप्रकरणी विमानतळ पोलिसांनी एका तरुणावर गुन्हा दाखल करुन अटक केली आहे. Pune Crime
याप्रकरणी ३६ वर्षीय महिलेने गुरुवारी (ता.२१ )विमानतळ पोलीस ठाण्यात फिर्याद दिली आहे. यावरुन शकील उर्फ गुड्डु मुश्ताक शेख (वय.२७ रा. लोहगाव) याच्यावर गुन्हा दाखल करुन अटक केली आहे.
मिळालेल्या माहिती नुसार, आरोपी आणि फिर्यादी एकाच परिसरात राहतात. आरोपीने फिर्यादी यांच्या १३ वर्षाच्या मुलीला वेळोवेळी घरी बोलावून घेतले. आरोपीने तिच्यासमोर विवस्त्र होत अश्लील कृत्य केले.
तसेच अश्लील कृत्य करतानाचा व्हिडिओ काढून तो व्हायरल करण्याची धमकी देऊन वारंवार अश्लील वर्तन केले. पीडित मुलीने याबाबत आईला सांगितले. आईने विमानतळ पोलीस ठाण्यात धाव घेत पोलिसांकडे तक्रार केली.
त्यानुसार शकील शेख याला अटक करण्यात आली आहे. त्याच्याविरुद्ध बलात्कार, बाल लैंगिक अत्याचार प्रतिबंधक कायद्यान्वये (पोक्सो) गुन्हा दाखल केला आहे. या घटनेचा पुढील तपास महिला पोलीस उपनिरीक्षक मेढे करीत आहेत.
