Pune Crime : माझ्यावर चाड्या का करतो, तुझा विषयच मिटवून टाकतो म्हणत तरुणावर कोयत्याने वार, हडपसरमधील धक्कादायक घटना..
Pune Crime पुणे : पुण्यात गुन्हेगारी काही थांबायचे नाव घेत नाही. सध्या अशीच एक घटना समोर आली आहे. एकाने कोयत्याने तरुणाच्या डोक्यात वार करुन जीवे मारण्याचा प्रयत्न केल्याची घटना उघडकीस आली आहे. तो गंभीर जखमी झाला असून त्याच्यावर उपचार सुरु आहे. याप्रकरणी पोलिसांनी एकाला अटक केली आहे. Pune Crime
पंकज अंकुश धोत्रे (वय २८, रा. सिंहगड कॉलनी, भेकराईनगर, फुरसुंगी) याला अटक केली आहे. याप्रकरणी विनय शरद खवळे (वय. २४, रा. सिंहगड कॉलनी, भेकराईनगर, फुरसुंगी) यांनी हडपसर पोलीस ठाण्यात फिर्याद दिली आहे.
रणजित रिठे असे जखमी झालेल्या तरुणाचे नाव असून त्याच्यावर रुग्णालयात उपचार करण्यात येत आहे.
पोलिसांनी दिलेल्या माहिती नुसार, फिर्यादी हे त्यांच्या घरासमोर दुचाकीवर बसले असताना त्यांच्या घरासमोर राहणारा पंकज याने अचानक फिर्यादीस शिवीगाळ करुन त्याच्या तोंडावर ठोसा मारुन खाली पाडले. ते पाहून फिर्यादीचा मामेभाऊ रणजित रिठे हा मध्ये आला. त्याने त्यालाही ठोसा मारला. घरातून लोखंडी शस्त्र घेऊन येथून रणजित याला तू माझ्या बद्दल चाड्या करतो.
तुझ्यामुळे माझी नोकरी गेली व माझ्याकडे सारखा रागाने बघतो, तुला मी जीवंत सोडणार नाही. तुझा कायमचा विषय संपवून टाकतो, असे बोलून त्याने रणजित याच्या तोंडावर, डावे बाजूला, डोक्यावर वार करुन गंभीर जखमी केले. पोलिसांनी खूनाचा प्रयत्न केल्याचा गुन्हा दाखल करुन त्याला अटक केली आहे. या घटनेचा पुढील तपास पोलीस पोलीस उपनिरीक्षक खळदे करीत आहेत.
