Pune Crime : भयंकर! ८५ वर्षीय वृद्ध महिलेवर २३ वर्षीय नराधमाकडून जबरदस्ती मारहाण करत बलात्कार, पुण्यातील घटना…
Pune Crime : शहरात महिला अत्याचाराच्या घटनांमध्ये अलीकडे वाढ होताना दिसत आहेत. बलात्कार, विनयभंग, छेडछाड अशा दिवसाला एक ते दोन घटना दररोज घडत आहेत. सध्या अशीच एक धक्कादायक घटना समोर आली आहे.
अशातच पुण्यात एका वृध्द महिलेवर बलात्कार केल्याची धक्कादायक घडना समोर आली आहे, या घटनेने नागरिकांनी संताप व्यक्त केला आहे. पुण्यातील हिंजवडी पोलिस ठाण्याच्या हद्दीत घडली आहे. ८५ वर्षीय वृद्ध महिलेवर २३ वर्षीय नराधमाने जबरदस्ती करत, मारहाण करत बलात्कार केल्याची घटना उघडकीस आली, या घटनेने परिसरात एकच खळबळ उडाली.
पीडित वृद्ध महिलेच्या ५७ वर्षीय मुलीने हिंजवडी पोलिस ठाण्यात फिर्याद दिली. त्यानुसार, आरोपी नराधम ओम जयचंद पुरी (वय वर्षे २३, सध्या रा. साखरेवस्ती, मूळ रा. धाराशिव) याला पोलिसांनी अटक केली आहे.
मिळालेल्या माहितीनुसार, घरी पाहुणे आल्यामुळे सर्वजण बोलण्यात आणि गप्पा मारण्यात व्यस्त होते. पीडित वृद्ध महिला घराबाहेर चालत होती. त्याचवेळी आरोपी त्या सोसायटीमध्ये होता. Pune Crime
पाचव्या मजल्यावर असताना त्याने वृद्ध महिलेला पाहिलं. मजल्यावर कोणीच नसल्याचं पाहून त्याने वृद्ध महिलेचं तोंड दाबलं. त्यानंतर नराधमाने वृध्द महिलेला जिन्यातून फरफटत सहाव्या व सातव्या मजल्याच्या जिन्यातील मोकळ्या जागेत नेऊन बलात्कार केला.
पाहुणे गेल्यानंतर घरातील मंडळी बाहेर आली. वृद्धेची शोधाशोध सुरू झाली. त्या वेळी महिलेला आपली आई जिन्यात जखमी अवस्थेत विव्हळत पडली असल्याचे दिसले. त्यानंतर वृध्द महिलेने घडलेली घटना सांगितली. पोलिसांनी आरोपीला ताब्यात घेतलं आहे. आरोपीला पाच दिवस पोलिस कोठडी सुनावण्यात आली आहे.
