Pune Crime : धक्कादायक! पिझ्झा डिलिव्हरी उशिरा दिल्याने डिलिव्हरी बॉयला मारहाण करत गोळीबार, पुण्यातील वाघोली येथील घटना..
Pune Crime पुणे : दिवसागणिक पुण्यातली गुन्हेगारी वाढते आहे असं म्हटलं तरी हरकत नाही. कोयता घेऊन रस्त्याने फिरणे, टोळा धाडी, गाड्या जाळणे एवढंच नाही तर शुल्लक रकमेसाठी हात तोडण्यासारख्या अंगावर काटा आणणारे प्रकार सध्या पुण्यात वेगात वाढले आहेत.सध्या असाच एक प्रकार समोर आला आहे. Pune Crime
पिझ्झा डिलिव्हरी देण्यासाठी उशीर केल्याने चिडलेल्या ग्राहकाने थेट डिलिव्हरी बॉय ला मारहाण करून हवेत गोळीबार केल्याची घटना घडली आहे. ही घटना वाघोली (ता. हवेली) येथील वाघेश्वर मंदिराजवळ घडली आहे. या घटनेने एकच खळबळ उडाली आहे. Pune Crime
चेतन पडवळ असं पिझ्झा डिलिव्हरी बॉयला मारहाण करुन हवेत गोळीबार करणाऱ्या आरोपीचं नाव आहे. त्याच्यावर लोणीकंद पोलीस ठाण्यात गुन्हा दाखल करण्यात आला आहे. तर, रोहित राजकुमार हुलसुरे असे मारहाण झालेल्या डिलिव्हरी बॉयचे नाव आहे. याप्रकरणी हलसुरे यांनी फिर्याद दिली आहे.
मिळालेल्या माहिती नुसार, रोहित हुलसुरे हा वाघोली परिसरात असलेल्या एका पिझ्झा सेंटरमध्ये पिझ्झा डिलिव्हरी बॉयचे काम करतो. मंगळवारी (ता. २४) आरोपी चेतन पडवळ याने ऑनलाईन पिझ्झा डिलिव्हरीची ऑर्डर केली होती.
पिझ्झा डिलिव्हरीची ऑर्डर रोहितने उशिरा दिली. यावेळी संतापलेल्या आरोपीने रोहितला मारहाण केली. या मरहाणीचा जाब विचारण्यासाठी पिझ्झा डिलिव्हरी केंद्रातील देवेंद्र, राहुल आणि इतर काहीजण गेले असता आरोपीने या सर्वांना मारहाण करत त्याच्या कारमधून एक पिस्तूल काढून हवेत फायरिंग केली.
दरम्यान, या प्रकरणी आरोपी चेतन पडवळ याच्यावर लोणीकंद पोलिसात गुन्हा दाखल करण्यात आला आहे. या घटनेचा पुढील तपास पोलीस करीत आहेत.
