Pune Accident News : पुण्यातील नवले पुलावर विचित्र अपघात! भरधाव ट्रकची वाहनांना जोरदार धडक, एकाचा दुर्दैवी मृत्यू..
Pune Accident News : पुण्यातील नवले पुल परिसरात अपघात होण्याच्या घटनांची मालिका सुरुच आहे. नवले पुलाजवळ सिग्नलला उभ्या असणाऱ्या वाहनांचा विचित्र अपघात झाला आहे. ट्रकची जोरदार धडक बसल्याने सिग्नलला उभी असलेली वाहने एकमेकांवर आदळलीत. Pune Accident News
बुधवारी (ता.२५) सकाळी झालेल्या भीषण अपघातात एका दुचाकीस्वाराचा मृत्यू झाला आहे. Pune Accident News ही घटना सकाळी पावणे नऊच्या सुमारास घडली आहे.
संदेश बानदा खेडेकर (वय. ३४ रा. टिळेकर नगर, इस्कॉन मंदिराजवळ, कात्रज-कोंढवा रस्ता, पुणे) असे मृत्यू झालेल्या तरुणाचे नाव आहे. तर ट्रक चालक पंकज राजाराम नटकरे (वय.२१ रा. बसवकल्याण, बिदर, कर्नाटक) याला सिंहगड रस्ता पोलिसांनी ताब्यात घेतले आहे.
मिळालेल्या माहिती नुसार, कात्रज कडून नवले पुलाच्या दिशेने भरधाव वेगात निघालेल्या ट्रक चालकाचे वाहनावरील नियंत्रण सुटले. त्यावेळी सिग्नलला उभ्या असलेल्या चारचाकी वाहनांना पाठीमागून ट्रकची जोरात धडक बसली. यात चार चारचाकी वाहने व एक दुचाकीचा विचित्र अपघात झाला.
यामध्ये दुचाकीस्वार संदेश खेडेकर यांचा गंभीर जखमी होऊन मृत्यू झाला. तर चारचाकी वाहनांचे मोठे नुकसान झाले. अपघाताची माहिती मिळताच सिंहगड रस्ता वाहतूक विभागाचे तसेच पोलीस ठाण्यातील अधिकारी व कर्मचारी यांनी घटनास्थळी धाव घेतली. जखमींना उपचारासाठी जवळच्या रुग्णालयात दाखल केले.
दरम्यान, मुख्य रस्त्यावर अपघात झाल्याने वाहतूक कोंडी झाली होती. अपघातामुळे रस्त्यावर काही प्रमाणात वाहतूक कोंडी पाहायला मिळाली. रस्त्यावर वाहनांच्या लांबच लांब रांगा लागल्या होत्या. पोलिसांनी अपघातग्रस्त वाहने बाजूला करुन वाहतूक सुरळीत केली.
