खलिस्तान समर्थकांचा सॅन फ्रान्सिस्को येथील भारतीय वाणिज्य दूतावासावर हल्ला…!

नवी दिल्ली : खलिस्तान समर्थक निदर्शकांच्या एका गटाने रविवारी सॅन फ्रान्सिस्कोमधील भारतीय वाणिज्य दूतावासावर हल्ला करून नुकसान केले. भारतीय-अमेरिकनांनी या घटनेचा तीव्र निषेध केला आणि जबाबदार व्यक्तींवर त्वरित कारवाई करण्याची मागणी केली. खलिस्तान समर्थकांची ही कारवाई ‘वारिश पंजाब दे’ संघटनेचे प्रमुख अमृतपाल सिंग यांच्या समर्थनार्थ करण्यात येत आहे. यासोबतच पंजाबमध्ये अमृतपाल सिंगच्या साथीदारांच्या अटकेच्या निषेधार्थ इमारतीबाहेर खलिस्तानी झेंडेही फडकवण्यात आले. या घटनेवर सॅन फ्रान्सिस्को पोलिसांकडून तात्काळ कोणतीही प्रतिक्रिया देण्यात आलेली नाही.

भारतीय अमेरिकन नागरिकांनी हल्ल्याचा तीव्र निषेध केला 

भारतीय-अमेरिकनांनी याचा तीव्र निषेध केला आहे. तसेच याला जबाबदार असणाऱ्यांवर तातडीने कारवाई करण्याची मागणी केली. भारतीय अमेरिकन समुदायाचे नेते अजय भुटोरिया यांनी सॅन फ्रान्सिस्कोमधील भारतीय वाणिज्य दूतावास इमारतीवर खलिस्तान समर्थक आंदोलकांनी केलेल्या हल्ल्याचा तीव्र निषेध केला. ते म्हणाले की, हिंसाचाराची ही कृती केवळ अमेरिका आणि भारत यांच्यातील राजनैतिक संबंधांना धोका नाही तर आपल्या समुदायातील शांतता आणि सौहार्दावरही हल्ला आहे.

भुटोरिया यांनी स्थानिक अधिकाऱ्यांना या हल्ल्यासाठी जबाबदार असलेल्यांवर त्वरित कारवाई करून त्यांना न्याय मिळवून देण्याची विनंती केली. त्याचवेळी ते म्हणाले की, मी माझ्या समाजातील सर्व सदस्यांना एकत्र येण्याचे आवाहन केले.

फाउंडेशन फॉर इंडिया अँड इंडियन डायस्पोरा स्टडीज (FIIDS) ने नाराजी व्यक्त करत दिली प्रतिक्रिया 

त्याचवेळी, फाउंडेशन फॉर इंडिया अँड इंडियन डायस्पोरा स्टडीज (FIIDS) ने देखील खलिस्तान समर्थकांच्या हल्ल्यावर नाराजी व्यक्त केली आहे. FIIDS ने म्हटले आहे की लंडन तसेच SFO मध्ये कायदा आणि सुव्यवस्थेच्या पूर्ण अपयशामुळे आम्ही घाबरलो आहोत. जिथे काही कट्टर फुटीरतावाद्यांनी भारताच्या राजनैतिक मिशनवर हल्ला केला आहे. FIIDS ने म्हटले आहे की हे लक्षात घेणे अत्यंत चिंताजनक आहे की यूके आणि यूएस राजनैतिक मिशनच्या सुरक्षेसाठी व्हिएन्ना कन्व्हेन्शननुसार वचनबद्धता पूर्ण करण्यात अयशस्वी ठरले आहेत