Politics News : आज लागणार निकाल! ठाकरे की शिंदे? महाराष्ट्राच्या राजकारणातील सर्वात मोठा दिवस…

Politics News : सध्या राज्याच्या राजकारणात अनेक घडामोडी घडताना दिसत आहे. तसेच राज्यात आमदारांच्या अपात्रतेचा निर्णय  येण्यापूर्वीच राजकारण तापू लागले आहे. मुख्यमंत्री एकनाथ शिंदे आणि उद्धव ठाकरे सातत्याने वक्तव्ये करून एकमेकांवर निशाणा साधत आहेत.

महाराष्ट्राच्या राजकारणासाठी आजचा दिवस अत्यंत महत्त्वाचा असणार आहे. शिवसेना आमदारांच्या अपात्रतेप्रकरणी विधानसभा अध्यक्ष राहुल नार्वेकर आज दुपारी ४ वाजता निकाल देणार आहेत.

तसेच शिंदे यांच्या बाजूने निर्णय आल्यास ठाकरे यांच्यासाठी मोठा धक्का असेल, असे मानले जात आहे. उद्धव ठाकरेंच्या बाजूने निर्णय आल्यास शिंदे यांच्या अडचणी वाढणार आहेत. आमदारांच्या अपात्रतेबाबत कोणताही निर्णय असो, त्यावरून महाराष्ट्राचे राजकारण तापू लागले आहे. Politics News

अपात्रतेबाबत कोणताही निर्णय घ्यावा, तो गुणवत्तेवरच घ्यावा, असे मुख्यमंत्री एकनाथ शिंदे यांनी म्हटले आहे. विधानसभेत बहुमत आणि लोकसभेत बहुमत आहे. निवडणूक आयोगाने आम्हाला अधिकृतपणे निवडणूक चिन्ह आणि पक्षाचे नाव दिले आहे. आम्ही काहीही चुकीचे केलेले नाही. कायद्याच्या कक्षेत राहूनच सरकार स्थापन झाले आहे.

दरम्यान, उपमुख्यमंत्री देवेंद्र फडणवीस यांनी एक निवेदन जारी करून निर्णय काहीही असला तरी सरकारला काहीही फरक पडणार नाही, असे जाहीर केले आहे. सरकार स्थिर आहे आणि भविष्यातही असेच राहील. यामुळे आज होणाऱ्या निर्णयाकडे सर्वांचे लक्ष लागले आहे.