Politics News : विधानपरिषद निवडणुकीतही ठाकरे गटाची बाजी! २ जागा जिंकत भाजपला दिला मोठा धक्का…

Politics News : विधान परिषदेच्या चार जागांसाठी निवडणूक झाली. ठाकरेंनी मुंबईत गुलाल उधळला आहे, तर नाशिकमध्ये झटका बसला आहे. महाराष्ट्र विधान परिषदेच्या चार मतदारसंघात २६ जून रोजी झालेल्या निवडणुकीचे निकाल जाहीर झाले.

यात शिवसेनेने (उद्धव ठाकरे) मुंबई पदवीधर आणि मुंबई शिक्षक जागा जिंकल्या तर कोकण पदवीधरच्या जागा भाजपने जिंकल्या. त्याचवेळी नसीर शिक्षक जागेबाबत अद्याप निकाल लागलेला नाही.

मुंबई पदवीधर, कोकण पदवीधर, मुंबई शिक्षक आणि नाशिक शिक्षक मतदारसंघात २६ जून रोजी मतदान झाले, ज्यामध्ये १,४३,२९७ मतदारांनी मतदानाचा हक्क बजावला, त्यापैकी १,३२,०७१ जणांची मते वैध ठरली. Politics News

मुंबई पदवीधर मतदारसंघातून शिवसेनेचे (उद्धव गट) नेते अनिल परब यांनी सोमवारी विधान परिषदेच्या निवडणुकीत भाजपच्या किरण शेलार यांचा पराभव करत विजय मिळवला. या निवडणुकीत परब यांना ४४ हजार ७८४ मते मिळाली, तर शेलार यांना १८ हजार ७७२ मते मिळाली.

दरम्यान, कोकण पदवीधर मतदारसंघात भाजपचे निरंजन डावखरे यांनी काँग्रेसचे रमेश कीर यांचा पराभव केला. डावखरे यांना १ लाख ७१९ तर रमेश कीर यांना २८ हजार ५८५ मते मिळाली. याशिवाय मुंबई शिक्षक मतदारसंघातून शिवसेनेचे (यूबीटी) उमेदवार जेएम अभ्यंकर विजयी झाले आहेत. त्यांना ११ हजार ५९८ वैध मतांपैकी ४ हजार ८३ मते मिळाली.