आता मुस्लिम समाजाची देशव्यापी मोहीम, अल्पसंख्याक एकजुटीसाठी मोठा निर्णय…

नवी दिल्ली : मुस्लिम राष्ट्रीय मंच (MRM) ‘एक राष्ट्र, एक ध्वज, एक राष्ट्रगीत’ या थीमसह अल्पसंख्याक समुदायापर्यंत पोहोचण्यासाठी देशव्यापी मोहीम सुरू करणार आहे. आगामी लोकसभा निवडणुकीपूर्वी याबाबत त्यांनी कार्यक्रम हाती घेतला आहे.

संस्थेचे स्वयंसेवक ‘खरे मुस्लिम, चांगले नागरिक’ हा संदेश समाजातील सदस्यांमध्ये पसरवतील. भोपाळमध्ये ८ ते ११ जून दरम्यान MRM स्वयंसेवक आणि कामगारांसाठी तीन दिवसीय प्रशिक्षण कार्यक्रम देखील आयोजित केला जाईल.

RSS च्या राष्ट्रीय कार्यकारिणीचे सदस्य आणि MRM चे मुख्य संरक्षक इंद्रेश कुमार या प्रशिक्षण कार्यक्रमाला उपस्थित राहणार आहेत. MRM ही राष्ट्रीय स्वयंसेवक संघाशी (RSS) संलग्न असलेली संघटना आहे.

याचा शेवटचा कार्यक्रम २०२१ मध्ये उत्तर प्रदेशातील गाझियाबाद जिल्ह्यात आयोजित करण्यात आला होता. त्यात संघ प्रमुख मोहन भागवत, सह सरकार्यवाह कृष्ण गोपाल आणि वरिष्ठ अधिकारी राम लाल उपस्थित होते. आता देखील अनेकांची उपस्थिती असणार आहे.