शरद पवारांना धक्का ! सर्वात जवळच्या व्यक्तीने केला भाजपमध्ये प्रवेश..!
मुंबई : मागील काही दिवसांत राष्ट्रवादीतून शिवसेनेच्या शिंदे गटात तसेच भाजप मध्ये अनेक प्रवेश झाले. शिंदे-फडणवीस सरकार स्थापन झाल्यापासून राजकीय घडामोडींना वेग आला आहे. मागच्या काही दिवसांपासून राष्ट्रवादी काँग्रेसमधील काही नेते पक्ष सोडणार अशी चर्चा होती. यामध्येच आता राष्ट्रवादीतील काही नेते हे शिंदे गटामध्ये प्रवेश करत आहेत तर काही नेते भाजपमध्ये प्रवेश करत आहेत.
आता राष्ट्रवादी काँग्रेसला पुन्हा एक मोठा धक्का बसला आहे. ठाण्यातील राष्ट्रवादीचे प्रदेश उपाध्यक्ष दशरथ तिवरे यांनी शेकडो समर्थकांसह भाजपमध्ये प्रवेश केलाय. फडणवीसांच्या उपस्थितीमध्ये त्यांनी हा प्रवेश केला आहे.
दशरथ तिवरे हे राष्ट्रवादी काँग्रेसचे अध्यक्ष शरद पवार आणि विरोधी पक्षनेते अजित पवार यांचे खूप जवळचे समजले जातात. यामुळे त्यांनी भाजपात प्रवेश केल्याने राष्ट्रवादी काँग्रेसला मोठा धक्का बसला आहे.
