सांगलीत भाजप नेत्याची कुऱ्हाडीने घाव घालीत निर्घून हत्या ; शेतजमिनीचा वाद जिवावर बेतला…!
सांगली : सांगलीमधून एक खळबळजनक घटना समोर आली आहे. ऐन विधानसभा निवडणुकीत भाजप नेते सुधाकर खाडे यांची कुऱ्हाडीने सपासप वार करत निर्घुण पणे हत्या करण्यात आली आहे. सांगलीमधील पंढरपूर रस्त्यावर ही घटना घडली आहे. याप्रकरणी मिरज पोलिस ठाण्यात गुन्हा दाखल करण्यात आला असून तपास सुरु करण्यात आल्याची माहिती मिळत आहे.
याबाबत मिळालेल्या माहितीनुसार, शेत जमिनीच्या वादातून कुऱ्हाडीने वार करून सुधाकर खाडे यांची हत्या करण्यात आल्याची प्राथमिक माहिती समोर आली आहे. सांगलीतील पंढरपूर रोडवरील राम मंदिर जवळ ही घटना घडली आहे. या घटनेनंतर परिसरात मोठी खळबळ उडाली आहे.
मंदिराच्या जवळ असलेल्या लोकांनी मोठी गर्दी केली होती तात्काळ पोलिसांना पाचारण करण्यात आले असून जखमी अवस्थेत असलेले सुधाकर खाडे यांना रुग्णालयात दाखल करण्यात आले. मात्र उपचारापूर्वीच त्यांचा दुर्दैवी मृत्यू झाला. घटनास्थळी मिरज पोलिसांचे पथक दाखल झाले असून तपास सुरु आहे.
